Hestape

Èn årtike di Wikipedia.
Potchî a: naiviaedje, cweri

Hestape (neyerlandès Herstappe ), c' est èn ancyin ptit ban del Flande, astok del Walonreye, divnowe tote seule ene intité, el province do Limbork. C' est li pus ptite comene del Beldjike.

Eplaeçmint del comene dins l' province

C' est ene comene ås åjhminces linwistikes.

(eglijhe)

Po l' etimolodjeye et les vîs scrijhas, riwaitîz dins l' esplicant motî.

No di des plaeces di Hestape[candjî]

Plake bilingue francès-neyerlandès del "voye do Moustî"

Sacwants nos d' plaece di Hestape sont e walon dins les vîs papîs.

  • Li voye do Moustî (la-minme, dinltins, li vôye dè Mostî, asteure Kerkstraat / rue de l'église)
  • Li voye des Leus
  • pré del bam (dins les vîs papîs dispu 1583) (ridoblete do flamind "bampt", pré)
  • å Piroe (la-minme : Pîreu, Fl. "op de Piereu)
  • Li ptite campagne (fl. 't klein Veld), a Bijhe do viyaedje, astok di Russon.
  • al Tchapele (Fl. "aan de Kappel, aan het heilige huiske) : voye del tchapele Sinte-Croes, so Russon.
  • li grande voye del Tchapele (Fl. Hoolstraat)
  • li tombe (Fl de Tom) : tomboe metou sol Wedje.
  • li campagne del tombe (Fl. Tomveld)
  • å dzeu l' tier (Fl. Op den Berg)

Djeyografeye[candjî]

Pitit viyaedje metou a Bijhe di Viyé l' Eveke et d' Odeur, dilé l' Wedje.

Istwere[candjî]

Li signorreye d' Hestape dipindeut do Tchapite Sint-Djhan d' Lidje. Ele esteut administrêye avou l' cene di Cmexhe.

Istwere des lingaedjes[candjî]

Les vîs papîs des scabins (dispoy li 14inme sieke) sont e scrîta francesse. Eto les papî del Coû d' Djustice (dispoy li 15inme sieke). Ey ossu les redjisses des pårotche. On n' trove k' e 1592 li ratournaedje e flamind d' èn ake di djustice. E 1557, gn a on bay (stuyt) k' est prezinté al Coû "translaté di tîxhon e walon".

Davance, les abagants flaminds aprindént l' walon. Mins moens al fén do 19inme sieke.

Dimorants :

Anêye do rcinsmint Nombe di Walons Nombe di Flaminds
1846 126 9
1866 121 23
1880 104 20
1900 65 76
1920 71 57
1930 51 63

Li comene a passé eviè l' Province do Limbork e 1935.

Rilidjon[candjî]

L' eglijhe di Hestape dipindeut del cen di Russon.

Tuzance walone[candjî]

Li walon d' Hestape a stî studyî pa J. Herbillon dins ses tournêyes sol Hesbaye.

L' accint walon rishonne å ci des ôtes viyaedjes del Hesbaye. Gn a des calcaedjes do flamind, come bék.

L' oyon AN/ON est prononcî ON (li gronde voye del Tchapele).

Commons
I gn a so les cmons Wikipedia des imådjes ou fitchîs son a vey avou Hestape .


 
Province do Limbork
Drapea del province

Hasselt: | As | Beringen | Diepenbeek | Genk | Gingelom | Halen | Ham | Herk-de-Stad | Heusden-Zolder | Leopoldsburg | Lummen | Nieuwerkerken | Opglabbeek | Sint-Truiden | Tessenderlo | Zonhoven | Zutendaal

Maaseik: | Bocholt | Bree | Dilsen-Stokkem | | Hamont-Achel | Hechtel-Eksel | Houthalen-Helchteren | Kinrooi | Lommel | Meeuwen-Gruitrode | Neerpelt | Overpelt | Peer

Tongeren: | Alken | Bilzen | Borgloon | Heers | Herstappe | Hoeselt | Kortessem | Lanaken | Maasmechelen | Riemst | Voeren | Wellen

Beldjike | Flande | Provinces