Indicatif futurrece

Èn årtike di Wikipedia.

L’ indicatif futurrece ou futeur di l' indicatif, c' est on tins d' codjowaedje ki mostere ene accion ki s' pasrè dins l' avni.

Etcherpintaedje[candjî | candjî l’ côde wiki]

On prind l' bodje do viebe, on radjoute ene ristitchete -r- (ki c' est li halcrosse R di l' infinitif del prumire troke (tchanter). Pu adon, li cawete di codjowaedje di tchaeke djin.

Årvier do prezint et d' l' imparfwait, les cawetes di codjowaedjes sont les minmes po les cénk trokes di viebe. Po les atôtchîs, i s' adjixh del cawete do viebe «awè» (cawete di codjowaedje -oz). Ci piceure la si rescontere dins tos les ôtes lingaedjes romans.[1]

Codjowaedje des cénk trokes di viebes å futeur[candjî | candjî l’ côde wiki]

Les cénk trokes di viebes si codjowèt cåzu del minme façon a l’ indicatif futurrece

Codjowas
Prono d' djin Prumire troke
(bouter)
Deujhinme troke
(magnî)
Troejhinme troke
(tcheryî)
Cwatrinme troke
(fini)
Cénkinme troke
(mete)
dji boutrè magnrè tchereyrè finirè / finixhrè metrè
vos (singulî) boutroz magnroz tchereyroz finiroz / finixhroz metroz
ti / to boutrès magnrès tchereyrès finirès / finixhrès metrès
i / ele (singulî) boutrè magnrè tchereyrè finirè / finixhrè metrè
nos / dji boutrans magnrans tchereyrans finirans / finixhrans metrans
vos (pluriyal) boutroz magnroz tchereyroz finiroz / finixhroz metroz
i / ele (pluriyal) boutront magnront tchereyront finiront / finixhront metront

Fômes coinreces[candjî | candjî l’ côde wiki]

Hårdêye difoûtrinne[candjî | candjî l’ côde wiki]

Luçons sol futeur (et l' condicioneu) (so l' Aberteke)

Sourdants[candjî | candjî l’ côde wiki]

  1. Thierry Dumont, rimarke dedja metowe so les tåvleas d' codjowadje di l' Aberteke.
  2. Scoles di Bive, 16 d' octôbe 2012