Julien Colson

I gn a co pont d' imådje dizo licince libe so les Cmons. Si vos nd avoz ene po nozôtes, eberwetez-l' vaici, et merci co traze côps.

Julien Colson, c' esteut on scrijheu e walon k' a skepyî a Nameur li 31 d' awousse e 1797, et k' a morou li 27 di fevrî e 1864.

I scrijha purade des arimés. I ls eplaida e-n ene ramexhnêye e 1862, dizo l' tite "Chansons patoises".

Il a stî onk des askepieus del soce Moncrabeau.

Riprins dins l' Antolodjeye des powetes namurwès. Sacwants d' ses fråzes sont rprinjhes dins l' Motî da Pirsoul.

Corwaitaedje di ses ouves

Ses ouves ni sont nén todi bén pîtêyes, ni arimêyes comifåt. Mins Julien Colson cwirt sovint des beas mots.

Il a ossu boune sogne di reployî des vîs mots walons^[1].

I paskeye voltî so des etrevéns ki s' passént di ç' tins la, come li "five des årmonreyes" (cwand tchaeke viyaedje vleut aveur si muzike.)

Li Wiccionaire si rsieve di sacwantès fråzes da Julien Colson po-z enimådjî des mots k' i gn a.