Jean-Jacques Gaziaux

Èn årtike di Wikipedia.

Jean-Jacques Gaziaux a skepyî li 20 di nôvimbe 1942. C' est on rcwereu sol walon d' Djåçlete et do payis d' Djodogne.

Ses rcweraedjes, tos bokets d' ene grosse sipesse teze k' i disfinda å Noû-Lovin e 1982, sont-st eplaidîs dizo l' cogne d' on tecse e francès, avou des fråzes, des bokets d' fråzes u des mots e walon ådvins, ratournés zels-minmes e francès.

Ont parexhou come lives :

• L'élevage des bovidés a Jauchelete (L' aclevaedje des bovrins a Djåçlete) (1982)
• Parler wallon et vie rurale au pays de Jodoigne (Pårler walon et vicaedje des djins e Payis d' Djodogne) (1987)
• Du Sillon au pain (Del roye di tcherowe disk' å pwin) (1988)
• Souvenirs de guerre au pays de Jodoigne (Sovnances des deus gueres do 20inme sieke å Payis d' Djodogne) (1990)
• Le temps qu'il fait a Jauchelette (Li tins k' i fwait a Djåçlete) (1995)
• Des gens et des bêtes (Des djins et des biesses) (1999)
• Cultures diverses, prairies, vergers et jardins à Jauchelette (So totès sôres di coûtivaedjes, so les prés, les paxhis et les cortis a Djåçlete) (2003)

Gn a eto des gros papîs publiyîs dins "Dialectes de Wallonie"

• L'honneur dans les campagnes jodoignoises au 20e s. (L' oneur dins les viyaedjes do Payis d' Djodogne e 20inme sieke) (1991-1992)
• La lessive et le repassage traditionnels à Jauchelette (les bouwêyes et les ristindaedjes did dinltins a Djåçlete) (1993-1998)
• Langages et conventions sociales; tutoiement et vouvoiement (on rcweraedje so l' atouwance) (2000).

Come bouteu pol walon e s' payis il a xherbiné fer po fé avancî li soce Les Såverdeas d' après Djodogne. Il a eto adjinçné deus antolodjeyes des scrijheus do Roman Payis :

• "Nos campagnes" (1998)
• "Vey Voltî (Veûy volti)" (2002)

Il a ovré avou l' province do Roman Payis po fé mî cnoxhe li walon k' on cåze avår la. Ey eplaidî on livret, sipårdou po rén : "Nos parlers brabançons : authentiquement wallons" (Les pårlers di nosse Roman payis : c' est pår do walon) (2003).

Dispu 2007, il est mwaisse eplaideu del gazete e walon Lë Sauvèrdia.

J.J. Gaziaux est mimbe del SLLW dispu 1986. Come bråmint des ôte mimbes di cisse soce la, i rwaite li walon come ene troke di diyalekes elaxhîs al civilizåcion des viyaedjes disk' e 1960, et ki dvreut disparexhe avou leye.

J.J. Gaziaux djåzéve bén walon e societé, mins s' nel fijheut i nén a tot côp bon avou les pareys a lu.

Di s' mestî, il esteut prof di sgondaire.

Po l' etimolodjeye do no d' famile "Gaziaux", riwaitîz dins l' esplicant motî.

[candjî] Hårdêyes difoûtrinnes

• Si biyografeye (e francès)
• Si pådje sol waibe di l' SLLW (e francès)
• Si pådje sol waibe del Comission di toponimeye et diyalectolodjeye
• Prezintaedje d' onk di ses lives e francès
• Prezintaedje di "Totès sôres di coûteures..."

Coviete do live so l' motlî walon di l' aclevaedje

Coviete di l' antolodjeye "Vey Voltî"

On live so les pårlers walons do Roman Payis, adjinçné pa J.J. Gaziaux