Jean-Marie Lecomte
Èn årtike di Wikipedia.
Jean-Marie Lecomte, a skepyî a Brussele, li 23 d' may 1925 ey a morou a Lidje li 12 di måss 2008. Mins il a crexhou a Brå-dlé-Lierneu.
C' est onk des pus grands ratourneus di des tecses rilidjeus e walon.
Il a rmetou e walon les Evandjîles sorlon sint Matî (imprimateure do 4 d' awousse 2000), et sorlon sint Djhan (imprimateure do 19 d' awousse 2002).
Adonpwis, il a translaté l' Ouve des Apoisses (imprimatur do 22 d' decimbe 2003). Il a eto eredjistré so cassete.
Il a afistolé et rexhe so papî les Evandjiles sorlon sint Luk (imprimatur do 2 d' octôbe 1999); sorlon sint Mår (imprimatur do 6 di decimbe 2001), les cenes k' avént stî ratournêyes pa Joseph Mignolet.
Il a scrît pol Rantoele eyet pol Walone. I meteut voltî so les fyis ses ratournaedjes des sints lives.
Di s' mestî, il esteut pere djezwite. Si a-t i passé ene grosse pårt di s' vicåreye (39 ans å long) e Congo.
[candjî] Ratournaedje d' ene priyire
-
- Priyire da Sint Ignace [1]
- Purdoz, Signeur, et acceptez
- Tote mi liberté,
- Tot çou k’ dji m’ sovén, tot çou k’ dji comprin,
- Et tot çou k’ dj’ a, et k’ est da minne,
- C’ est Vos ki m’ les a dné : vola ki dji vs les rin.
- Totafwait est da vosse.
- Fijhoz ndè tot çou k’ Vos vloz.
- Dinez m’ seulmint l’ gråce di vs inmer
- Et d’ viker e vosse påye. Ci serè bon assez.
- Åmen. [2]
[candjî] Hårdêyes difoûtrinnes
- Si pådje so l' Aberteke
- Si otobiyografeye (avou l' accint d' Lierneu)
- Ratournaedje di l' Evandjîle sint Matî (avou l' accint del Hôte Årdene).
- Ratournaedje di l' Evandjîle sint Mår (avou l' accint del Hôte Årdene).
- Ratournaedje di l' Evandjîle sint Luk (avou l' accint del Hôte Årdene].
- Ratournaedje di l' Evandjîle sint Luk (ene miete rifondou, nén co rcoridjî pår)
- Ratournaedje di l' Evandjîle sint Djhan (avou l' accint del Hôte Årdene]
- Ratournaedje di l' Evandjîle sint Djhan (ene miete rifondou, nén co rcoridjî pår)
- Ratournaedje di l' Ouve des Apoisses (avou l' accint del Hôte-Årdene]
- Ratournaedje di l' Ouve des Apoisses (ene miete rifondou, nén co rcoridjî pår)
[candjî] Sourdants
- ↑ Tecse metou sol sovni k' on-z a dné azès djins, a si etermint.
- ↑ Li minme tecse tot notant l' accint walon do scrijheu.
