Jacques Bertrand
Èn årtike di Wikipedia.
Jacques Bertrand (e walon classike, on prononçreut : Djåke Bietrand), c' esteut on scrijheu d' tchansons k' a skepyî li 18 di nôvimbe 1817 ey a morou li 30 di djulete 1884. I tchante voltî li payis d' Tchålerwè. Åresse, c' est l' prumî k' a-st eplaidî des scrijhaedjes e walon dins cisse coine la del Walonreye.
I dmeure conoxhou long et lådje pa ene tchanson e francès "Pays de Charleroi" k' a divnou li "tchanson nåcionåle" carolo. Mins il a scrît purade e walon. Inte di des ôtès tchansons : Lolote.
Di s' mestî, il esteut patron d' ene fabrike di tcheyires.
Il est rprins dins l' grosse Antolodjeye da Piron.
Jacques Bertrand fourit raddimint rwaitî come l' ero nåcionå do Payis d' Tchålerwè. E 1924, on havta ene plake di rsovnance sol måjhon la k' il a skepyî, al rowe Guståve Nålene a Tchålerwè.
Dispu 1984, li befrwè d' Tchålerwè soune totes les eures "Pays de Charleroi"; å cwårt après l' eure; c'est "Racoulotans nos" ; al dimeye eure : "Sintoz come èm cour bate", eyet å cwårt po l' eure: "El cwénzinne å Mambor".
Si veye est ses tchansons ont stî studieyes pa Jules Vandereuse.
Des tchanteus come Bob Dechamps tchantént voltî les tchansons d' Jacques Bertrand.
[candjî] Les tinmes då Djåke Bietrand
C' est bråmint des tchansons ki racontèt les djoyes des ptitès djins k' on a rtnou di l' ouve da Jacques Bertrand.
Portant, aveut oyou eto tchanter les ouves da Beranger, et si a-t i scrît des tchansons la k' i critike li guere, et vanter li liberté, li påye eyet l' ovraedje. Mins ces tchansons la ont stî metowes sol costé.
[candjî] Sacwantès rlomêyès tchanson da Djåke Bietrand
- Lolote (on l' lome eto "Sintoz come èm cour bate")
- Li cwénzinne å Mambor.
- Racoulotans nos.
- Li dicåce do Bos.
- El crås boyea Dôna.
