Jean-Denys Boussart

(e 2005)

Jean-Denys Boussart (e walon: Djihan-Dnixh, sipoté Marcatchou) a skepyî li 14 di fevrî 1940.

C' est on scrijheu e walon et bouteu pol foclore di Lidje. Il a stî des anêyes et des razanêyes li "mayeur" del franke Republike di Sint Foyin, a Djudla Mouze.

Il a scrît des noveles: “Li rodje dame” (1976); des arimeas: “Li prumire voye” (1966); “Mi pårotche po ene noere çanse” (1968); “Li botike ås araedjas” (1968); et eto do teyåte: “Li grande cizete” (1971).

(e 1979)

I scrît eto e francès so des sudjets foclorikes u d' actouwalité dins li ptite gazete “Vlan”, ene coirnêye ki s' lome “Vlan avå les voyes”.

A eto stî prezidint do Cavo Lidjwès.

Il esteut, avou, al S.L.L.W..

Jean-Denys Boussart est rprins dins l' grosse antolodjeye da Piron et l' antolodjeye Fleurs diyalectåles.

Djihan-Dnixh Boussart et l' movmint ravicantisse

(e 2004)

Djihan-Dnixh Boussart est sconte di l' ehåyaedje do walon, tant do statut ki do coir do lingaedje. Por lu, li walon ni doet wårder foû k' ene fonccion foclorike.

Hårdêye difoûtrinne

Li pådje Djihan-Dnixh Boussart (so l' Aberteke)