Jean-Jacques Gaziaux

Èn årtike di Wikipedia.
Potchî a: naiviaedje, cweri
(2004)

Wiktionary-logo.svg

Li Wiccionaire si rsieve di sacwants fråzes da "Jean-Jacques Gaziaux" po-z enimådjî des mots k' i gn a.

Jean-Jacques Gaziaux a skepyî li 20 di nôvimbe 1942. C' est on rcwereu sol walon d' Djåçlete et do payis d' Djodogne.

Ses rcweraedjes, tos bokets d' ene grosse sipesse teze k' i disfinda å Noû-Lovin e 1982, sont-st eplaidîs dizo l' cogne d' on tecse e francès, avou des fråzes, des bokets d' fråzes u des mots e walon ådvins, ratournés zels-minmes e francès.

Come bouteu pol walon e s' payis il a xherbiné fer po fé avancî li soce Les Såverdeas d' après Djodogne. Il a eto adjinçné deus antolodjeyes des scrijheus do Roman Payis :

Il a ovré avou l' province do Roman Payis po fé mî cnoxhe li walon k' on cåze avår la. Ey eplaidî on livret, sipårdou po rén : "Nos parlers brabançons : authentiquement wallons" (Les pårlers di nosse Roman payis : c' est pår do walon) (2003).

Dispu 2007, il est mwaisse eplaideu del gazete e walon Lë Sauvèrdia.

J.J. Gaziaux est mimbe del SLLW dispu 1986. Come bråmint des ôte mimbes di cisse soce la, i rwaite li walon come ene troke di diyalekes elaxhîs al civilizåcion des viyaedjes disk' e 1960, et ki dvreut disparexhe avou leye.

J.J. Gaziaux djåzéve bén walon e societé, mins s' nel fijheut i nén a tot côp bon avou les pareys a lu.

Di s' mestî, il esteut prof di sgondaire.

Po l' etimolodjeye do no d' famile "Gaziaux", riwaitîz dins l' esplicant motî.

Eplaidaedjes[candjî]

Coviete do prumî tome di "Amours walones"

Ont parexhou come lives :

Gn a eto des gros papîs publiyîs dins "Dialectes de Wallonie"

  • L'honneur dans les campagnes jodoignoises au 20e s. (L' oneur dins les viyaedjes do Payis d' Djodogne e 20inme sieke) (1991-1992)
  • La lessive et le repassage traditionnels à Jauchelette (les bouwêyes et les ristindaedjes did dinltins a Djåçlete) (1993-1998)
  • Langages et conventions sociales; tutoiement et vouvoiement (on rcweraedje so l' atouwance) (2000).

Hårdêyes difoûtrinnes[candjî]