Jean-Pierre Vervier
Èn årtike di Wikipedia.
Jean-Pierre Vervier (e walon Djihan-Pire Vervî) [1], c' est on scrijheu e walon ki scrît purade des tecses di tchansons et k' endè compôze li muzike.
Il a-st amonté ene binde di muzicyins, les "Droles di Lodjeus".
Il ont ddja fwait rexhe deus stroetès plakes :
- "Foû voye" (2006, avou l' essegne do Rweyål Cavo lidjwès)
- "Cacafougna" (2008)
Li motlî da Djhan-Pire Vervî est foirt ritche; eto les imådjes eployeyes dins les tchansons.
[candjî] Li cåzaedje d' ene di ses tchansons
-
- L' otel des cours a bokets
-
- I.
- A l' otel des cours a bokets
- Les mesbrudjîs del veye
- Tos les semdis si rapoûlèt
- Po fé danser leus noerès idêyes.
- A l' otel des cours a bokets
- Arive co bén sovint
- K' on ndè voeye deus ki s' racoplèt
- Et k' endè vont tot s' tinant pal mwin
-
- Respleu
- Li måleur avize todi pus ledjir
- Cwand c' est k' on l' pout pårti a deus
- Li bouneur avize todi trop ledjir
- Cwand c' est k' on l' wåde por lu tot seu.
-
- II.
- A l' otel des cours a bokets,
- On s' ritrove po neyî
- Ses poennes, ses displis inte plankets
- Mins les mehins savèt si bén bagnî
- A l' otel des cours a bokets,
- I n' a waire di princesses
- On n' rescontere ki des lurteas
- Kel dimanèt minme son s' on lzès rabresse
-
- å respleu (2 côps en erote)
-
- III.
- A l' otel des cours a bokets,
- Li nute mi fwait batlî
- Cwand c' est k' les tournêyes aplovèt
- Et ki l' plantchî s' mete a hossî.
