Jean Lejeune di Djoupeye

Èn årtike di Wikipedia.
Potchî a: naiviaedje, cweri
Discramiaedje des djins ki s' lomèt "Jean Lejeune"
diviè 1925

Jean Lejeune sikepia e 1875 a Djoupeye et a morou a Izire e 1945.

C' esteut on scrijheu e walon et on rcwereu sol walon.

A leyî padrî lu dijh pîces di teyåte di troes akes et cénk d' onk u deus akes.

Mins c' est avou ses deus romans ki Djihan Lejeune si va l' pus fé rconoxhe come on grand scrijheu e walon, et on fén corwaiteu des dujhances des såvadjès biesses. "Cadet" (1921) raconte l' istwere d' on live. Tant k' a "Avå trîxhes et bwès" (live eplaidî e 1948, après l' moirt do scrijheu), c' est totès noveles so les biesses des bwès, ki rprind "Cadet".

Al copete do martchî, Jean Lejeune a reyussi a rashonner 22 motîs so les nos d' plaeces des viyaedjes do payis d' Lidje. Sacwants ont stî eplaidîs dins l' Bultin del Societé d' Lidje.

A stî eto onk des grands aidants da Djan Haust po li scrijhaedje do Dictionnaire liégeois

Riprins dins si grosse antolodjeye da Maurice Piron, et dins l' antolodjeye "Moti, scrît, tchanté åtoû d' Derbu" (veyanmint k' il aléve sovint a Izire, la k' il a morou et a Boumål.

Il esteut contåbe di s' mestî.

Jean Lejeune di Djoupeye ni doet nén esse kimaxhî avou Jean Lejeune di Hesta (nén rprins dins l' antolodjeye da Piron, ni avou Martin Lejeune (riprins eto dins l' [[antolodjeye da Piron, mins k' esteut ene miete pus vî, mins k' a ramexhné des motlîs tecnikes a pô près dins les minmès anêyes.

Sacwants d' ses pîces di teyåte[candjî]

  • Li feye do faxhneu (drame di 3 akes)
  • Li pris Halkin (comedeye d' èn ake)
  • Coleye et Mayon (comedeye d' èn ake)
  • Bertine (comedeye d' èn ake)
  • Matile Détombé (3 akes)
  • Li Grimbiè-Molén (3 akes, arimés)
  • Li fåcnî (3 akes)
  • Les fås-vizaedjes (3 akes)
  • Li voye di l' oneur (3 akes et deus tåvleas)
  • Ane-Mareye (èn ake)
  • Dizo leus botes (5 akes)
  • Madame Lombård (3 akes)
  • So l' aiye do bouneur (1 ake)
  • Ås troes vîs omes (3 akes)

Sacwants rcweraedjes da Jean Lejeune so les motlîs[candjî]

Sovint a soce avou Edmond Jacquemotte, i rcwire des mots po les bates del SLLW. I fourît sovint prumés :

  • Lejeune, Jean, Vocabulaire technologique wallon-français du chaudronnier en fer et en acier, divins: BSLW, T.40, 1900, pp. 403-425 (rahouca "E130" dins l' Djivêye des motîs do walon).
  • Lejeune, Jean, Vocabulaire wallon-français relatif au sport colombophile, divins: BSLW, T.42, 1901, pp. 309-357, (rahouca "E160").
  • Lejeune, Jean, Vocabulaire technologique wallon-français du fabricant de fonte, de fer et d'acier, divins: BSLW, T.43, 1903, pp. 191-217, (rahouca "E147").
  • Jacquemotte, Edmond, Lejeune, Jean, Vocabulaire du coquelî, divins: BSLW, T.45, 1904, pp. 225-230 (Rahouca "E15")
  • Jacquemotte, Edmond, Lejeune, Jean, Vocabulaire des lavandières et repasseuses, divins: BSLW, T.45, 1904, pp. 231-239 (rahouca "E16")
  • Jacquemotte, Edmond, Lejeune, Jean, Vocabulaire du briquetier, pp. 241-251, divins: BSLW, T.45, 1904 (rahouca "E17").
  • Jacquemotte, Edmond, Lejeune, Jean, Toponymie de Jupille, BSLW, T. 49 1907, pp 215-354
  • Jacquemotte, Edmond, Lejeune, Jean, Extraits du vocabulaire du pinsonî, divins: BSLW, T. 46, 1906, pp. 179-180 (rahouca "E157").
  • Jacquemotte, Edmond, Lejeune, Jean, Mots wallons divers, divins: BSLW, T.46, 1906, pp. 201-202 (rahouca "E119").
  • Jacquemotte, Edmond, Lejeune, Jean, Extraits du vocabulaire de la sage-femme, divins: BSLW, T.46, 1906, pp. 193-198 (rahouca "E120").
  • Jacquemotte, F., Lejeune, Jean, Extrait du vocabulaire du barbier-coiffeur, pp. 199-200, T.49, 1909, (rahouca "E35"). [E35]
  • Jacquemotte, Edmond, Lejeune, Jean, Mots wallons divers recueillis à Jupille, pp. 363-365, T.49, 1909, (rahouca "E37").

Alére[candjî]

Marcel Slangen, Li fiesse a Jean Lejeune, Djåzans walon, l° 3, 2000.