Joseph Boucher

Èn årtike di Wikipedia.

Joseph Boucher, c' esteut on fjheu d' arimés e walon do Roman Payis. Il a skepyî e 1917 a Torebåy-les-Beguenes.[1]

Riprins dins les antolodjeyes do Roman Payis ("Nos campagnes" & "Vey voltî").

Di s' mestî, il a stî on moumint a l' estat, pu il a divnou mwaisse di scole a Inguezêye.

Ouve pol walon[candjî | candjî l’ côde wiki]

Il a moussî ås Såverdeas d' après Djodogne e 1987, et ås Relîs Namurwès e 1989.

Ene ramexhnêye di ses powinmes a stî publiyeye dins les Cayés Walons.

Egzimpe di tecse[candjî | candjî l’ côde wiki]

Les grins
Les grins sont les efants del tere.
Il î pasnut leus prumîs djoûs.
Dins l' doûce tcholeur, i sont påjhûle[2]
E ratindant di poûssî foû.
Les ptits djermons crexhnut dins l' plinne
E stindant leus longs alignmints.
Måy li boune tere ni spågne ses pwinnes
Po k' i soeynuxhe foirts ås mwais tins.
E moes d' awousse, baxhant leu tiesse,
I vont rmerciyî leu trezôr
Et li rcovri, li djoû di s' fiesse,
D' on spès tapis ås coleurs d' ôr.
Et cwand les pezantès machenes
Åront soyî et bate les grins,
Ns årans del nourixhante farene
Di oidje, di Modele:~ et d' frumint.
Les djaenès steules di nos campagnes
Vont recråxhî les teres… et dmwin,
Li boune mame va rsouwer ses lagnes
Po-z î rfaxhî ses noveas grins.[3]

Sourdant et pî-notes[candjî | candjî l’ côde wiki]

Hårdêyes difoûtrinnes[candjî | candjî l’ côde wiki]

  1. http://aprafs.be/bulletinspdf/Bulletin%20150.pdf
  2. Mwaisse modêye: «têre» / «paujêre»
  3. Li Soverdea l° 75 (moes d' may 1990), riprins dins Nos campagnes.