Joseph Duysenx

Èn årtike di Wikipedia.
Joseph Duysenx
Portrait da Joseph Duysenx diviè 1910
Skepiaedje19 di fevrî 1878, Lidje
Moirt1965, Lidje
Activitésscrijheu, compôzeu d' muzike

Joseph Duysenx (e walon Djôzef Dwizink) a skepyî li 19 di fevrî 1878 et a morou e 1965.

Al comene, c' esteut Joseph Duysinx, mins on n' l' a veyou k' e 1930. Ça fwait ki tos ses scrijhaedjes fourît sinés "Duysenx".

E walon, on prononcive Djôzef Dwissin, et l' lomer, å pus sovint: "li ptit Dwissin".

C' esteut on scrijheu d' tchanson et d' operås e walon.

Ouve e walon[candjî | candjî l’ côde wiki]

“Amours di Prince” operå da Duysenx

Il askepia 1181 ouves, aprume e walon, mins eto e francès a môde di Lidje: des tchansons, des operås, des pîces di teyåtes (sovint en onk u deus akes, avou des tchansons).

"Cuzén Bebert" (1911) fourit li prumire operete e walon ki s' passe en èn ovroe d' modisse, çou ki mostere ki les waloneus cmincèt tot doûçmint a s' ocuper des målåjhminces des ptitès djins. Après, Djôzef Dwissin si loméve lu-minme «l' oteur di “Cuzén Bebert”».

(a rilever k' on scrît e walon, mins k' on atôtche les djins e francès, come tot åd dilong do 20inme sieke)

Après l' guere di 1914-1918, il a stî onk des stamons do Cåbaret Lidjwès. Si operete "Li mårlî" (1924) a stî cmandêye på Teyåte Cominå Walon, ca "li Ptit Dwissin", vikéve, après 1925, do mestî d' oteur copôzeu e walon (motoit li seu cas dins l' istwere). Eto, i vindeut lu-minme ses abondroets et les ptits livrets di ses pîces, avou tot on sisteme di vindince.

Tchansons da Duysenx eplaidêyes pal SLLW

Ene ramexhnêye di ses tchansons a stî replaideye pal S.L.L.W. e 2000. Ene cassete di "Cuzén Bebert" a rexhou dins les anêyes 1990, et ene plake lazer di "Amours di Prince" dins les anêyes 2000.

A rilever, eto, kel Djôzef Dwissin a seu dner l' gosse do walon a s' fi, Françwès, et a s' pitit-fi Marc. C' est l' seu cas di famile avou des scrijheus e walon so troes djermêyes di djins.

Sacwantès pîces di teyåte da Djôzef Dwizink[candjî | candjî l’ côde wiki]

“Les Tournikeus” pîce da Duysenx
  • Li Cuzén Bebert, operete e 2 akes.
  • Li mårlî, operete e 2 akes.
  • Li Docteur Macasse, operete e 3 akes.
  • Li fôre ås omes, operete e 3 akes.
  • Vî sot !, operete en 1 ake.
  • Amours di Prince, operå en 1 ake.
  • El l' cåve !..., comedeye e 2 akes.
  • Ene pårteye di plaijhi, comedeye en 1 ake
  • Les deus locataires, comedeye en 1 ake.
  • Li prudje, comedeye en 1 ake.
  • Boû po vatche, comedeye en 1 ake.
  • Ene seyance di consey comunå, comedeye en 1 ake.
  • Li gamén, comedeye en 1 ake.
  • Les tournikeus, comedeye en 1 ake.
  • L' amour sol banc, comedeye en 1 ake avou des chansons.
  • Li bombe atomike, operete po rire po 2 omes.
  • Ritche !, comedeye e 3 akes
  • Sôlêyes et cåbartî, operete en 1 ake.