L'Avenir du Luxembourg (gazete)

Èn årtike di Wikipedia.
Potchî a: naiviaedje, cweri
Prezintaedje do limero do 16 d' avri 2010, på Professeur Titôrvå

"L'Avenir du Luxembourg" (L' Avni do Lussimbork), c' est ene gazete do grope "Les Editions de l'Avenir", ki rexhe aprume dins l' province do Lussimbork.

Li gazete vûde dispu 1894. Si sidje est metou a Årlon. Mins elle a eto on buro a Måtche.

Coirnêye e walon[candjî]

Elle a-st eplaidî, di 1975 (?) a 1999 (?) ene coirnêye di scrijhaedjes e walon, ki s' loméve, ene miete hagnûlmint, "Cwand dji n' sai rén, dji m' tai" (e gåmès, Quand dju n' sâs rin, dju m' tâs)

Les tecses ki parexhént la estént tchoezis påzès Relîs namurwès. Come di djusse, n aveut eto des scrijhaedjes e gåmès.

Les bokets rascovrént ene grande varyîsté d' accints do walon, dipu les cåzaedjes del Hôte Årdene disk' åzès cis di l' Årdene nonnrece tot passant pa les cis del Fåmene, ki rtirèt dedja foirt do walon do Mitan.

Sacwants scrijheus e walon s' ont-st enondé di cåze d' aveur léjhou des bokets dins cisse coirnêye la. Metans Lucyin Mahin, Emile Pècheur, Arthur Schmitz, evnd.

Lanawaire, sol difén d' 2008, elle a replaidî des contes di Noyé e walon, troes djoûs en erote, so ene pådje etire. Li gaztî responsåve esteut Philippe Carozza.

Adonpwis, e 2010, on novea persounaedje, li Professeur Titôrvå (Titorval), î intere pa l' craeye di l' ouxh.