Léon Degrelle

Èn årtike di Wikipedia.
Potchî a: naiviaedje, cweri
Degrelle tot seu.jpg

Léon Degrelle (e walon Leyon Degrele) a skepyî li 15 di djun 1906 a Bouyon ey a morou li 31 di måss 1994 a Malaga.

Il a stî po cmincî, sicrijheu et gaztî. Adonpwis, il a-st enondé li movmint recsisse.

Vicåreye[candjî]

Leyon Degrelle a stî veyou voltî di bråmint des Walons, aprume el Province do Lussimbork, dins les anêyes 1930. C' esteut on grand catolike, et ses djins payént a boere ås djonneas des viyaedjes après messe. Et s' trovéve-t on k' i cåzéve si bén.

Mins e 1939, il a mostré k' il esteut politicmint po Hitler. Adon, les catolikes l' ont låtchî, et a manké d' esse discomunyî (li doyén d' Bouyon a rfuzé di lyi dné l' comunion, todi). Après çoula, il a stî veyou evi des djins.

Tins del guere di 40, il ala come volontaire sol front rûsse. E moes d' decimbe 1944, a l' Ofinsive da Von Rundstedt, i rivna el Walonreye, avou les Almands, al tiesse d' on batayon d' SS walons.

Après l' guere, i serè codåné a moirt. Mins on n' a måy oizou dmander si estradicion foû d' Espagne, la k' il aveut chwiné. A cåze del "påye civile" k' a shuvou l' arindjaedje des bidons après l' Afwaire Rweyåle. "On n' distere nén les viyès vatches", dijha-t on.

Adon, il a continouwé a tchåfer ses waerbeas å solea del Costa del sol disk' a s' påjhûle moirt.

Discrijhaedje des spitchs da Degrelle[candjî]

Degrelle est rconoxhou come on mwaisse pretcheu.

I vos petéve li francès...
Et s' corcyî bonzet roed. Vleur come plonker les djins. Pu s' rapåjhter d' on plin côp et cåzu berdeler tot bas. [1]

Hårdêye difoûtrinne[candjî]

Sourdants[candjî]

  1. A. Laloux, Li curé d' Såtô p. 68.