La Foret

Èn årtike di Wikipedia.
Potchî a: naiviaedje, cweri
Li pont d' cloyes

La Foret (dins les fråzes, on dit purade al Foret; on dit eto : Laforet-so-Smwès, F. Laforêt, Laforêt-sur-Semoy dins les lives di France), c' est on ptit viaedje del Walonreye, metou so ene hôteur à 1 km a hintche di Smwès, rebané avou Vresse, el province di Nameur.

  • Limero del pose : 5550
  • Limero diyalectolodjike :
  • Arondixhmint : Dinant
  • Eplaecmint sol daegn: 49°52'09N 4°56'23E
  • Altitude: du 225 à 360 m.
  • Vî nos : li provnance est on sårtaedje : Foresta, dins les vîs documints. Après, c'est todi stî Laforêt; e walon, La Foret (dji va al Foret).
  • Djins: 243 (1840); 220 (1910); 178 (1930).
  • Sipotaedje des djins : Forijots, Foridjots.
  • Eglijhe (1778) a Sinte Agate, ki replaece l' eglijhe di 1457, ki, leye-minme vént après ene eglijhe di dvant 1235. Gn a la des ritches meubes do XVIIIinme sieke (1745 et 1791)
  • Dicåce: al Sinte Agate.
  • Grande dicåce: li dimegne après l' Sint-Dnis.

Gn a èn ôte viyaedje ki s' lome "Foret" el Walonreye : Foret-dlé-Tchôfontinne, et onk dilé Brussele.

Istwere[candjî]

Du costé du l'Eglîje, Laforêt, jusqu al rèvolucion, è dèpandu du Suny, Méziéres et Reims. Du costé du civil, Laforêt è sté, ou XII° s. dustatchî du domin.ne franc du Suny pouz èsse ratatchî à Orcimont. An 1780, èn ancyin officîr francès, sècrètêre du bayadje du Djavingue(Biarin) è vnu dner kékes luçons al Forêt et î instaler ène èspéce du colèje.La justice du viadje lî avot ofru ène place ou lieu-dit:" Le Jardinet" pouz î mète in pansionat ( 9 mai 1792), mês la révolucion è vnu fwêre capoter l'antreprije ku Cazé avot cminci. Lu båtimint est toudi là asteure, dzeus l' batch, al coupète dou viadje.On l' loume: "Lu Tchèstê".

A vey[candjî]

Lu relief, fwârt accidanté,lu calme des bwès et lu vèjinadje du la Smwas, a fwêt, avu Vresse, in viadje fwârt touristike. In pazê dins les bwès djondant l' viadje, agrémanté du pintures imposantes, fwêt l' admirâcion des ptits et co des grands. Laforêt compte ossi in tèyåte du marionètes.

  • Lu pont d' cloyes.

C'est ène lèdjîre pasrèle du clôyes k'on montot dinlins pou passer l' fûr d'ène rive à l'ôte. Asteure, ile nu siève ku pôu les tourisses. Les clôyes sont des assambladjes du deus montants du solides bwès ruloyîs yink à l'ôte pas des boûrsons, coume ène chåle. Atère les boursons, onz è fèssi (F.entrelacer) des fwârts bastons d' côrîs. En clôye dot fwêre in bon mète et dmi su yink. On pôze alors dins l'êwe des hôtes gades k' on rloye yène à l' ôte pa deus piêtches pou pôzer les cloyes dussus, et vla la pasrèle fwête. Gn è pus k' a l'amarer avu des fils tindus su les rives, pou l' apêtchî du nn'aler, s' i vint des grosses êwes. In côp les vacances oûtes, on dusmonte la pasrèle pou la rmonter l'èsté ki vint.

Economeye[candjî]

Coume tous les viadjes dul Sumwas, Laforêt è cultivé l' toubac jusk' an 1960/70, a costé d'ène putite culture du kékes biêsses. les tourisses et les sapins d' Noyè ont pris lu rlês.

Accint do walon e 20inme sieke[candjî]