Li Lidjwès egadjî (operå)

Èn årtike di Wikipedia.
Potchî a: naiviaedje, cweri
dessin da J. Helbig dins l' edicion da Bailleux (1854), ki mostere Colasse et s' mwaistresse

Li Lidjwès egadjî (dins l' mwaisse sicrijhaedje "Li Ligeoi ègagy, opera burless' es deu parteie, mettou ès musik par M. Hamal", dins l' replaidaedje da F. Bailleux, "Li Lîgeois ègagî", e Feller, "Li Lîdjwès ègadjî"), c' est èn operå, li deujhinme do teyåte lidjwès, sicrît pa Jacques-Joseph Fabry.

I fourit djouwé divant les djins pol prumî côp li 14 d' avri 1757.

Li tecse est rindjî å l° 362 dins l' Invintåre Piron des pus vîs tecses e walon dizo l' tite "Le Liégeois enrôlé".

Les persounaedjes[candjî]

  • Aili : li mere di l' egadjî.
  • Colasse : li "Lidjwès egadjî".
  • Mayane: mwaistresse da Colasse.
  • Linåd : onk des vijhéns.
  • on bas oficî francès.
  • Keur des vijhéns et des vijhenes.

Boket del pîce[candjî]

Pumire pårteye, sinne II

Linåd
Vos vs ewaerez todi po rén
Ni cnoxhoz vs nén les djonnès djisn
I serè-st alé viè Grivgnêye
Loukî motoit passer l’ årmêye
Et s’ i sereut minme egadjî
K’ on lyi mete don ene laxhe e pî
Ôtmint, cwand i n’ vierè pus l’ veye
Li cour lyi tirrè po rivni
Et vosse fi ki voet voltî m’ feye
Vola pus k’ i n’ fåt po l’ ritni
(Linåd ki tchante)
On Lidjwès ki s’ egadje
Va bén disk’ a Tîleu
Mins po cwiter l’ rivaedje,
I tuze ene feye ou deus
Et s’ il a ene maråye,
Vos vieroz ki m’ boubiet
Riprindrè so m’ fwè l’ voye
Do clokî Sint-Lambiet
Mi-minme, si dj’ el doe dire,
Dji m’ a trové dvins l’ cas
Mins d’ ou pus d’ on ratna :
L’ amor et nosse boune bire
Aili
Dj’ a bén d’ keure di çou ki t’ åye fwait
Tote ti veye, t’ as stî on napea
Di t’ moker d’ mi, n’ ass nén del honte ?
Dji n’ el ra nén avou tes contes !
Va s’ mel ricweri iu vass å diale
Mins dji n’ a k’ fé d’ ti : vo l’ ricial.
Linåd
Vos n’ braioz pus « Vass el ricweri »
Vola k’ vos ravoz vosse baibai
Mins douçmint, ci n’ est pus po rire,
Môr ! Il a l’ cocåde a s’ tchapea.
Aili
O ! Dji lyi råyrè djus del tiesse !
Cwè çki t’ as la ? Dou vénss, djonne biesse ?