Li ptit banc (tchanson)
Li ptit banc, c' est ene tchanson e walon sicrîte pa Emile Wiket.
Elle a stî scrîte e sistinme pré-Feller.
C' est ene des pus cnoxhowès tchansons e walon.
Tecse riscrît e Feller [candjî]
Vocial li tecse do "ptit banc", riscrît e sistinme Feller
-
- Li ptit banc
- Tot près dè vî pont, i-gn-a-st-on p’tit banc
- Wice ki dj’a sovint miné m’ binamêye,
- On banc come in-ôte, wice ki lès galants
- Moennèt leu mon-keur cwand l' nute est toumêye...
- A ! s’ ti poléve dîre tot çou k’ t’ as vèyou
- Dispoy ki t’ès la, pitit banc k’on-z-inme !
- A ! s’ti poléve dîre tot çou k’ t’ as-st-oyou,
- Dès boûdes, dès sièrmints... èt tofér lès minmes !
- Ti rapinses-tu co di l’osté passé,
- Nos t’ viniz vèyî deûs fèyes li samin.ne.
- Binamé p’tit banc, louke, rin k’ d’î tûzer,
- Dji sin k’dji fruzih, ca dji r’veû Mad’lin.ne.
- Awè, djèl riveû, èt c’èst la m’ måleûr
- Ni pôrè-dj’ don måy aswâdjî m’ pinsèye ?
- Sov’nance ki m’ fêt må, ca por mi l’ boneûr
- N’èst pus k’on bê sondje d’ine doûce djôye passèye.
- Mins pocwè fåt i, la k'on-z-a vint ans,
- Ki l’ coûr si lèye prinde à ‘ne clére riyotrèye ?
- Et kimint s’fêt-i, pôves sots ki n’s-èstans,
- K’nos n’nos dotansse nin k’ l’amour n’est k’ tromp’rèye ?
- Tot près dè vî pont, i-gn-a-st-on p’tit banc
- Wice ki dj’a sovint miné m’ binamèye,
- On banc come in-ôte wice ki lès galants
- Båhèt leû mon-keûr cwand l’ nute èst toumèye...
Tecse e rfondou [candjî]
Vocial li tecse do "ptit banc", riscrît e rfondou walon.
Li ptit banc
Tot près do vî pont, i n a-st on ptit banc
Wice ki dj' a sovint moenné m' binamêye;
On banc come èn ôte, wice ki les galants
Moennèt leu monkeur cwand l' nute est toumêye...
A ! s' ti pôreus dire tot çou k' t' as veyou
Dispoy ki t' es la, pitit banc k' on-z inme !
A ! s' ti pôreus dire tot çou k' t' as-st oyou,
Des boudes, des siermints... et tofer les minmes !
Ti rapinses tu co di l' esté passé ?
Nos t' vinéns co vey deus feyes li samwinne.
Binamé ptit banc, louke, rén k' d' î tuzer,
Dji sin k' dji fruzixh, et dji rvoe Madlinne.
Awè, djel rivoe, et c' est la m' måleur.
N' è pôrè dj' don måy aswadji m' pinsêye ?
Sovnance ki m' fwait må, ca por mi l' bouneur
N' est pus k' on bea sondje, ene doûce djoye passêye.
Mins pocwè fåt i, la k' on-z a vint ans,
Ki l' coûr si leye prinde a ene claire riyotreye ?
Et kimint s' fwait i, pôves sots ki ns estans,
K' nos n' nos dotanxhe nén k' l' amour n' est k' trompreye ?
Tot près do vî pont, i n a-st on ptit banc
Wice ki dj' a sovint moenné m' binamêye,
On banc come èn ôte wice ki les galants
Båjhèt leu monkeur cwand l' nute est toumêye...
