Li tchant des walons studiants
Li tchant des walons studiants u tchanson des studiants walons, c' est ene tchanson ki les studiants del Walonreye tchantnut a tchaeke di leus guindayes. El tchantént todi e francès. Vocial li ratournaedje e walon, k' on cmince a-z ôre dispu les anêyes 2000.
- Ki diski tot å boird
- On les rimplixhe etirs,
- Nos veres, disk' a nosse moirt,
- Todi del minme manire,
- Ca ns estans les pus foirts
- Boeveus di blondès bires
Respleu :
- Ca nos dmorans (TODI !)
- Walons guintchant (TOT NOUS !)
- A môde di nos tayons (RATAYONS !)
- Zels, les mo sôs Walons (RATAYONS !)
- Al shûte do vî Bacusse
- Et do rwè Gambrinusse
- Nos n’ avans nén peu d’ zels
- Kî al nêt nos raviznut
- Les pandôres al rayele
- Di n’ råyî del cråsse shijhe fû
- Ni co bén minme kel ciél
- Nos tcheye on djoû sol tiesse djus.
- Nos alans shure les coûs (djamåy !)
- Afeye avou coraedje
- Nos studians foirt des djoûs (djamåy !)
- Sins trop d’ fornåjhixhaedje
- Mins n’ boevans tos les coûps
- Todi come des såvadjes.
- Et cwand nos clôrans l’ ouy
- Al breune del grande bataye
- Po bén fiester nosse doûy
- K’ on feye one grosse guindaye
- Po nosse waxhea d’ arsouye
- K’ on prinde one plinne futaye.
- Et cwand nos paretrans
- Pa dvant li grand Sint-Piére
- Confyint nos lî dirans :
- « E vî tins la sol tere
- Nos n’ veyéns voltî tant
- Ki les femes eyet boere ».
- Et cwand nos serans plin
- Nos irans diske e Flande
- Bén ârmé djusk ås dints
- Po fé one bele esclande
- Dire bondjoû ås flaminds
- Et ndè fé ‘ne påsse clapante.[1]
Les mots e grandès letes inte åtchetes avou on pont di sclameure sont boerlés, et nén tchantés.
Sourdants[candjî | candjî l’ côde wiki]
- ↑ Ratournaedje da Djhan Cayron