Louis Baijot
Louis Baijot (e walon Louwis Baidjot), c' esteut on scrijheu e walon k' eplaidéve purade del prôze nén racontrece.
Il aveut skepyî li 11 di nôvimbe 1924. Il a morou li 13 di may 2013.
I scrijheut tot notant l' accint d' après Bayamont et Graide.
Di s' mestî il esteut mônî, matchand d' farenes po les biesses, pu tchîf d' ene pitite eterprijhe a s' no.
Ådvins |
Ouve e walon[candjî]
Il est eto mwaisse sicrijheu del gazete e walon Coutcouloudjoû.
I fourit rprins dins l' antolodjeye Scrijheus d' Årdene.
Come bouteu pol walon, il esteut onk des mwaisses ovrîs del soce des rcåzeus di l' Årdene nonnrece.
Il a rarindjî ene djivêye di mots raglenés pa gaston Lucy po ndè fé li "Motî d' Bive".
Il a eto rcopyî ene peclêye di bokets da Gaston Lucy e "Feller-Rasgoutadje", et da Pire-Djôzef Dosimont dins li scrijha des papîscrîts.
Il a ossu scrît del prôze nén racontrece pol Coutcouloudjoû et pol Rantoele.
Il a scrît sacwants pådjes sol Wikipedia walon.
Si pôzucion so li rfondaedje do walon[candjî]
Pol rifondaedje do walon, i voeyeut evi sacwants ponts tecnikes, come les betchfessîs OE et OI. Mins i voeyeut voltî li betchfessî å, k' il eployive minme e Feller, po rascovri les accints do Payis d' ersè et d' après Bastogne po ç' foninme la.
Mins i poleut foirt åjheymint lére on scrijhaedje e rfondou, et li rdire avou s' prôpe accint. Come ezès scoles di rfondou walon d' Bive k' il a shuvou di 2003 a 2012.
I préjheut les rfondeus, et awè les pinses ki li rfondou esteut on bon sistinme po les djonnes Walons poleur raprinde li lingaedje.
-
å strimaedje di "Li batreye des cwate vints" (2004)
-
ki fwait siner "So l' anuti" a Lorint Hendschel (2006)
-
ki raconte ene fåve a on cåbaret walon a Bive (2009)
== Hårdêye divintrinne ==[candjî]
==Hårdêye difoûtrinne==[candjî]
- Pådje avou sacwants d' ses scrijhaedjes (so l' Aberteke)
- Sacwants tecses avou l' mwaisse accint (sol waibe "Li walon d' emon nozôtes")
