M4 Sherman

Èn årtike di Wikipedia.
Tank M4A1 "Sherman II"

Li M4 Sherman c' est on moyén tank (31,5 T), siervou pa 5 omes, årmé å cminçmint d' on court canon di 75 mm et pus tård d' on 105 mm long, di deus mitrayeuzes 0.30 (ene cowacsiåle et ene di capot so rotule), d' ene mitrayeuze 0.50 sol toet del tourele et d' on moirti lance-potscs foumidjinnes, ekipé dins les prumîs tins d' on moteur d' avion e stoele Continetal et pu d' on moteur Ford V-8 e ligne a essance d' ene foice di 500 Tch a 2600 tr/min k' el fijheut avancî al vitesse macsimom di 42 km/h so voye, 193 km å lon.

Des tanks Sherman e l' Urope tins del guere

C' est on tank k' a stî pinsé et fabriké pa les amerikins a pårti di fén 1941. Do tins del deujhinme guere daegnrece, il a stî eployî nén seulmint pa cete-ci mins ossu pa les foices ostralyinnes, britanikes, canadyinnes, francesses, rûsses et minme almandes (sol fén del guere – Ofinsive da Von Rundstedt). Sacwants payis end ont eco dins leus årmêyes. C' est come ça k' il a divnou l' tank li pus cnoxhou et li pus fabriké sol daegn (55.000 unités).

Sherman Firefly — on modele avou on pus stocaesse canon, k' esteut capåbe di trawer l' tacaedje des tanks almands

Ça n' a nén stî, di lon, li meyeu des tanks del deujhinme guere pask' i n' fijheut nén l' pwès a costé des Panteres et des Tigues almands mins li foice des amerikins c' esteut d' endè fé des foirt grandès cwantités po replaecî a fwait tos les ci k' estént distrûts.

Bibliografeye[candjî | candjî l’ côde wiki]

  • Christopher F. Foss: Chars de la 2e Guerre mondiale (Bordas 1983) - ISBN 2-04-012882-4
  • Eric Lefèvre: Panzers in Normandy then and now (After the battle magazine 1983) - ISBN 0-900913-29-0

Difoûtrinnès hårdêyes[candjî | candjî l’ côde wiki]