Mamjhele Tchôze (roman)

Èn årtike di Wikipedia.
coviete do live

Mamjhele Tchôze (Mam'zèle Chôse), c' est on roman e walon sicrît pa Hinri Van Cutsem et eplaidî e 1950.

I raconte li spoûle d' ene veye djonne feye, Palmire - Mamjhele Tchôze, dabôrd -, ki tneut botike do costé d' Tchålerwè.

C' est on roman lineyåre, ki cmince å skepiaedje do mwaisse persounaedje, et ki s' atcheve a s' moirt.

C' est on roman sicolodjike.

Boket saetchî foû do live[candjî | candjî l’ côde wiki]

Fén des Féns
Tossint...
Batisse do Calonî a fini si tornêye dins l' cimintire e metant, shuvant l' uzaedje, ene potêye di sinte-Catrine sur les tombes novelmint rnetieyes di ses parints, d' ene masseur et d' on mononke. Il est avou si feme.
I n' oize nén dire :
- Alez è salouwer l' tombe da Monsieu Zidôre et da Mamjhele Palmire.
Il a peu ki si feme ni rapetache co l' afwaire des tchapeas do djoû del passêye. Mins, e fjhant shonnance di rén, il arive tot l' minme dé leu cavô, tire ès caskete. Il est prou... Ès feme fwait l' sene del croes.
- On direut k' i gn a nolu k' a vnou, dit-st ele prumire! Pont di fleurs; el tombe n' a nén stî rlåvêye.
- Les eritîs les ont rovyîs, respond i, tot lvant ses iys å cir et leyî, tot tchôze, ritchaire si minton so si pwetrene.
- Dedja! C' est do prôpe.
- L' an ki vént, feme, si nos vicans co, nos fårè coûtiver ene sinte-catrene ou deus di pus.
- Et dj' vénrè froter les pires.
FÉN