Marluzene

Èn årtike di Wikipedia.

Marluzene, c'est ene fêye (bele macrale) ki rexhe on côp l' an, li nute del Sint-Djhan foû d' l' aiwe do Bok.

Les shijh nutes di dvant on l' ôt tchanter ene tchanson firt disbelixhante.

Modêye di Spontin[candjî | candjî l’ côde wiki]

C' est l' feye do prumî signeur di Spontin, k' a toumé roede bleuwe sote d' on fi d' cinsî. Lu , i l' veyeut voltî eto mins i sinteut bén ki leu-z amour aléve amoenner bråmint des rascråwes.

Marluzene s' a leyî dcweli et l' dierin djoû, elle a toumé dins l' Bok. Mins elle a stî rascodowe pal royinne des Macrales.

Li djonne ome ki n' a måy veyou voltî, ki djondreut s' rôbe cwand ele rexhe al Sint-Djhan, årent on trezôr.[1]

Modêye del Grande Dutchêye[candjî | candjî l’ côde wiki]

Marluzene sereut l' båshele do rwè di Scôsse, ki l' mame esteut ene macrale. Si pa les tchessa evoye, leye et ses troes sours, et ele si vnît rascoyî dim on trô d' rotche, metou å maxhaedje di l' aiwe di Petrusse et di l' Alzete.

Sol rotche do Bok, la-djondant, gn aveut on tchestea ki touméve e blesse. Li tchesturlin, Sigfrwè, coixhî pa on singlé fourit médyî pa Marluzene et ses sours. Et s' amouraxhî del comere. Cisse-ciale vola bén maryî l' duk, mins s' meta-t ele des kesse et des messes: «Djurez m', binamé ome ki sol tins des anêyes ki nos pasrans nos deus, vos n' cwirroz måy a m' vs vey li semdi et a savou cwè rapoirt a çou ki dj' fwai ci djoû la.»

Li duk prometa.

Li cope fourit ureus et ava toplin des cårpeas.

Mins, 25 ans après, on semdi k' il esteut sô, Sigfrwè moussa dins l' tchambe di s' feme. Il ourit a schipe li tins d' vey, leye et ses troes sours, k' avént on coir avou ene cawe di sierpint.

A ç' moumint la, li tchestea tot etir moussa e tere et essevlixha l' Duk.[2]

Sourdants[candjî | candjî l’ côde wiki]

  1. Anatole Marchal Li dierinne shijhe, pp. 87-99.
  2. Walonreye, tere di ledjindes, pp. 45-52 tecses e walon di På-Hinri Thomsin