Marwale
Li marwale, c' est on mol froumadje di vatche di l' Avenwès. Ene marwale, c' est dandjreus ossu ene trintche di ç' froumadje la.
Ene ricete avou des marwales[candjî | candjî l’ côde wiki]
- Çou k’ i fåt : (po cwate djins)
- 4 coisses di pourcea.
- 1 trintche di crou djambon
- 4 trintches di marwale
- 1 agnon fén discopecî
- kékes coirnitchons et do pierzin (si on vout)
- 1 grande paile ou deus ptitès longowes (c’ est pus åjhey).
- Çou k’ i fåt fé :
- Vos fjhoz cure les coisses dins l’ paile avou ene boune nukete di boure, deus munutes å long. Vos les rtournez deus munutes ; vos les rtournez ene deujhinme feye deus ôtès munutes, po k’ ele purdexhe ene bele coleur des deus costés.
- So tchaekene, vos poizez do djambon discopecî.
- Ladsu, vos poizez ene trintche di marwales, li spexheur a vosse convnance.
- On finit pa l’ agnon, avou on pô d’ pierzin si on vout.
- On fwait co cure 5 munutes, tot rascovrant l’ paile, po k’ les marwales fondexhe doûçmint.
- Vos siervoz tot d’ shûte : ça node bon et on s’ rassapene.[1]
Sourdants[candjî l’ côde wiki]
- ↑ Gérard Avril, Li Rantoele l° 60, ivier 2011-2012.