Matenes

Èn årtike di Wikipedia.
Potchî a: naiviaedje, cweri

Matenes, po les crustins, c'est l' 3inme priyire del djournêye, ki s' dit foirt timpe, ås aireurs do djoû, après s' awè levé.

Les bizantins et les årmenyins ont aclapé les matenes ås lôdes, et po ça ont metou des ôtès matenes a leu plaece, ki les bizantins ont lomé "priyire e meynute", et les årmenyins "rimetaedje des catches å for". Did la, li ratourneure "ratinde matenes" pol rewoeyon d' Noyé, divant l' messe e meynute.

Les matenes si lomnut ορθρος (orthros) e grek, matutinus u tenebris u nocturnæ e latén, outreniya e slåve. Cisse priyire est l'imådje do ravicaedje da Djezus-Cri.

Normålmint dins tos les rites, les matenes ont 12 psåmes po d' bon, des îmes, des priyires et, po les coûtchantreces, des lijhaedjes del Bibe et des Peres di l' Eglijhe. Po les levantreces, come lijhaedjes, i gn a ki l' evandjîle, seulmint les dimegnes et les djamas. Ciste evandjîle est acoplêye a ene pitite porcession et des tchants, ki s' lomnut "les comeres ki poitnunt des ôles", po rimimbrer les femes k' årént discovrou l' ravicaedje da Djezus-Cri.

Wiktionary-logo.svg

Po des linwincieusès racsegnes sol mot "matenes", alez s' vey sol Wiccionaire