Metaedje a fén d' lu-minme

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "si mete a fén", alez s' vey sol Wiccionaire

Li metaedje a fén d' lu-minme, lomé eto sucide, c' est cwand ene sakî si towe leye-minme, di s' prôpe volté.

Dins l' lingaedje corant, on dit «i (elle) a fwait måleur si s’ coir»,; «i (elle) s’ a metou a fén» ; «i (elle) a fwait l’ fén d’ lu (di leye)», «i (elle) a fwait måluzance di s' coir»)», «i (elle) s' a distrût».

Tecnikes di sucide[candjî]

  • pindaedje : foirt corant dvinltins ; la k’ on croeyeut ki l’ coide d’ on pindou poirtéve tchance ; el toponimeye, gn a eto sacwants « Bwès do pindou », el Walonreye et ôte pårt.
  • saetchaedje d’ ene bale dins s’ tiesse.
  • trawaedje di s’ vinte avou on grand coutea, ene sipêye.
  • epweznaedje.
  • prôpe djetaedje dizo on trén.
  • neyaedje, kécfeye avou ene grosse pire loyeye a ses pîs.
  • sucide po s' patreye, dins ene guere; po ses idêyes dins ene atake terorisse (camicåze).

Cåzes do sucide[candjî]

Les cis ki fwaiynut måleur di leu coir sont des djins k’ ont ene grande sofrixhance divintrine. Et purade :

  • des djonneas al laide ådje, e margaye avou leus parints, après ene poenne d’ amour…
  • des femes måmarieyes (ou des omes)
  • des cis k’ ont pierdou èn efant ou ene djin k’ i voeyént voltî
  • des viyès djins stroupeyes, ki n’ vlèt nén dispinde des ôtes, ou des cis ki sont codånés d’ on griyeus må, evnd.
  • des djins ki s’ sintnut dzonorés e leu societé (traeyincieus k’ a fwait des målès afwaires, guerî k’ a pierdou ene batreye).

Espaitchance do sucide[candjî]

Dins les societés modienes, gn a des cintes d’ aidance sicolodjike po les cis ki vôrént s’ mete a fén. Et des lenes telefonikes esprès, avou des respondeus(es) djoû et nute.

Li metaedje a fén d' lu-minme et les rlidjons[candjî]

Les grandès rlidjons (cristinnisse, islam…) sont disconte li metaeje a fén d' lu-minme.

Les sucidés ni plèt nén esse eterés e l' eglijhe.

Sacwants societés (Djapon) respectêynut et préjhî les sucides d’ oneur.