Meu
Meu (fr: Meux) c' est èn ancyin ptit ban del Walonreye, rebané avou Les Brouhires.
- Limero del posse: 5081 (vî limero 5854)
- Limero diyalectolodjike: Na 24
- Lomaedje des djins : les Meutis
- Sipotaedje des djins: les Godomes
Ådvins |
[candjî] Djeyografeye
Meu a ene sitindowe di 12,18 km². Si hôteur, å soû di l' eglijhe, est di 173 m. Li viyaedje est triviersé pal Mouhagne, et pal Waerixhet. D' ôte pårt, l' Ôrnô prind si sourdant a 800 m al nôr des Shijh Voyes a Meu et a Grand-Lé.
[candjî] Etimolodjeye
Li no di Meu vénreut di: Meulis (1241), ki vôreut dire molén e 1241; Moul (1145-1259); Meux (1207). Marsilis di Meux est cité e 1287; Meur e 1372. Ci mot pout fé sondjî å mot djermanike Moer (frexhåd); Moeux, dins les cårtes do Conte di Ferraris (Bas Payis Otrichyins, 1771-1778)
[candjî] Istwere
Gn ava des djins d' Meu po-z ebaguer eviè l' Wisconsin sol difén do 19inme sieke (ôtes viyaedjes k' ont evoyî leus djins).
[candjî] Nos des plaeces di Meu
[candjî] Hamteas
- Bahotea (so plaece Bawtia, e F. Barotia);
- Sol Tidje (e F. Haut-Tige);
- Mouhagnoûle (so plaece Magnoûle, e F. Mehaignoul);
- Li Råcoû (so plaece au Rôcoû);
- Scléhåye (so plaece Sclé.âye, e F. Sclefhaie);
- Tripsêye (so plaece Trëpséye, e F. Tripsée);
- Li Waerixhet (so plaece a l' Ourchet).
[candjî] Ôtès plaeces
- Låstaye (so plaece Laustaye);
- A l' åbe des Bayis.
- Les Batis;
- Les Beguenes;
- Les Shijh Voyes;
- Li Laid Paxhi (so plaece au Lêd Pachë);
- Dins les pårts.
[candjî] Cinses
- E 1895, i gn aveut 297 cinses; on ndè conteut pus k' 27 e 1977 al rebanaedje. Beacôp di cinses font todi pårteye del payizaedje agricole.
- Mouhagnoûle: cinse et tchestea, ki s' trovèt dins li lådje et påjhire valêye del Mouhagne. Ancyinne plaece d' ene signeurreye otinne avou Tripsêye et Matignêye, leyî e 1753 a Herman di Djamblinne, signeur di Meu et di Noveye. Cisse cinse est todi en alaedje.
- Tripseye : a pårt dins si tchimps ; gregne è long so baese castinne ki si poertays sobaché èn harpes sont datés al clé "B/ANNO 1830". Cisse cinse est todi èn alaedje.
- Scléhåye : dins l'rowe ki poirte si no, li gregne est dateye so pire å dzeu del poertay nôrd "Gerome de Jamblinne ma posé l'an 1775". å dzeu del poertay sûd "Antoine de Jamblinne de Noville ma pose l'an 1775". Cisse cinse est todi en alaedje.
- Li Motte : dins li viyaedje, ancyin fief d'ene cinse avou pachis, cortis èt closereyes, k'esta adjudjé a Djean Honoré (relief di 1462). Nén lon, al pegnon del ancyin.ne cinse d'Al Sicaye, si trovèt so on lintå semi-cirkulaire è castinne, daté di 1464, avou les årmoireyes di Djean Honoré.
- Li Vi Råcoû : Apartineut è 1411 a Frankart d'Arracourt. Durant li revolucion di 1789, l'abé Labar i vént dire messe secretemint.
- Li cinse del Novea Råcoû, ki si trove li lon del nationale 912, est todi èn alaedje.
- Li cinse d'Å Baye, rowe Radelet, est todi tinouwe ådjoûrdu.
[candjî] Molins
I gn aveut ossi a Meu 3 molins a vint : å Shijh Voyes, a Meu-Molin èt asto li tåchsseye d'Inguezêye.
[candjî] Tuzance walone
[candjî] pårler walon
Accint do pårler walon d' Meu: li betchfessî én est prononcî bén naziålijhî (et nén "in" come a Nameur, portant tot astok).
[candjî] Sicrijheus eyet rcwereus
Sicrijheu eyet rcwereu sol walon: Paul Gilles.
