Monsieu del Bourlote (tchanson)
Èn årtike di Wikipedia.
Monsieu del Bourlote u E rivnant d' Låsprele, c' est ene rilomêye tchanson e walon k' åreut yeu stî scrîte pa Nicolas Boiron. Mins Emile Lempereur vout ki cisse tchanson la åreut polou aveur sitî toirtcheye på pere Colas Boiron.
Li vraiy tite e walon, c' est :
- Tchanson novele, pus amuzante ki bele, compôzêye l' an meye set cint froede bijhe, l' anêye do gros hourlea (Tchanson novel, puz amuzantt ku bel, kompozée l'an mil sett san freutt bich l'anée de gros hourlai)
Ele date do 18inme sieke.
Bob Dechamps el ritchantéve voltî, sovint tot citant si oteur (dabôrd k' i n' djåzéve waire des ôtes cåzaedjisses, come François Loriaux).
Li tecse est rindjî å l° 354 dins l' Invintåre Piron des pus vîs tecses e walon dizo l' tite "M. de la Bourlotte et la paysanne".
Il a stî eplaidî pol prumî côp pa Arille Carlier dins l' annouwaire di l' ALWAC e 1911 (T. II, p. 25-33), et rashiou e rfondou so l' Aberteke (diviè 2000).
