Motî:chamter

Èn årtike di Wikipedia.
Potchî a: naiviaedje, cweri

Wiktionary-logo.svg

Li mot "chamter" est recråxhî sol Wiccionaire

chamter (codjowaedje) [v.s.c.]

1. roter raddimint. Et haydaday li ptite Liza e chamtant djusk' al grande måjhon k' elle a rwaitî si sovint då lon (A. Henin). On dit eto: xhårer, xhaerpi. F. filer.

2. roter tot fjhant do brut. I n' aveut nén ddja oyou chamter dins l' colidor (Chantal Denis). Et on pô après l' ôrire do bwès d' Djimbe, il ôt chamter padrî lu (ramexhné pa (L. Mahin). On dit eto: ramxhyî. F. trottiner.

3. roter d' foice, bouter d' foice. Merci, avou, vos, Mwaisse, Di nos aveur diné des parints K' ont bouté des ans et des razans Po k' on n' nos rotaxhe måy so nos pîs Et nos fé chamter come des biesses (E. Gilliard). F. marcher, avancer, trotter, oeuvrer en vitesse. >> fé chamter: fé cori, etrinner. El mwaisse vos l' fwait chamter, roed come li vint d' bijhe, padvant lu dins l' escole (B. Genaux). Fåt fé chamter les dierins. F. driller.

4. si dixhombrer. Nos pôrans bén chamter po-z aveur fwait dvant l' nute. On dit eto: si dispaitchî. F. se dépêcher, se hâter.

5. cori evoye. On l' a fwait chamter. Vos l' årîz veyou chamter. Elle a veyou l' leu ki chamteut e baxhant l' cawe (J. Calozet). On dit eto: bizer evoye, fritchî evoye. F. décamper, déguerpir, fuir.

| chamtaedje [o.n.] no d' fijhaedje et no di çou k' est fwait (accion eyet si adierça) pol viebe "chamter". Leye asteure, les tuzaedjes c' est on vraiy chamtaedje, ça catoûne di tos les costés (L. Somme). Avou mes omes, ci n' est pus del bezogne di djins; c' est on chamtaedje di tos les diales do matén å niût (Motî da Gilliard). F. hâte, empressement, précipitation, promptitude, galopade, travail à la bourre.

| chamteu, chamteuse u chamtêyresse [o.f.n.] li ci (cene) ki chamtêye. Vos nel sårîs shure : c' est on chamteu come tot (Motî da Gilliard). F. galopeur, travailleur rapide, bon marcheur.

Disfondowes[candjî]

chamter 
cham'ter, cham'ter, cham'tè, cham'tyî, cham'tier, chaumiyî..
chamtaedje 
cham'tèdje, cham'tadje, cham'tâdje.

Sicrijhas ezès motîs[candjî]

chamter 
chametè [C1, C8, C13], chameter [C106], cham'ter 2 [O0] châmeter [S117], cham'tier [S117], chamter [S117], chamtyî [S117], chèmeter [C106], chometer [C106] [1]; chômiyî [2]
chamtaedje 
chametadje [C1, C100, C106]
chamteu 
chameteû [C106]

Sourdants[candjî]

  1. Loukîz al Djivêye des motîs.
  2. a Fumwè (Cayés walons, 42 (1), p. 3 (1979).