Motî:coine (di vatche)

Èn årtike di Wikipedia.
Potchî a: naiviaedje, cweri

Wiktionary-logo.svg

Li mot "coine" est recråxhî sol Wiccionaire

coine 1 I. [f.n.] 1. broke k' i gn a di tchaeke costé sol front des vatches, des gades, des berås, do diale, evnd. >> awè des royes a ses coines: (prumî sinse) tot cåzant d' ene vatche, awè des cekes dins les coines ki mostrèt kéne ådje k' elle a, cobén d' veas k' elle a yeu, evnd. (deujhinme sinse) awè ene mwaijhe reputåcion; Franwal: ahåyant po "être brûlé, avoir un passé chargé". >> awè åk so ses coines: awè des royes a ses coines. >> awè (ene sacwè) so ses coines: awè ç' cayet la e trexhe (s' endè tracassî). On n' les ôt pus tant brûtyî conte des Flaminds, asteure k' il ont l' afwaire del diyoccene so leus coines. >> poirter des coines: esse coirnåd. >> S' il a magnî l' diale, k' i magne pår les coines: I doet achever d' payî po les mizeres k' il a fwait ås ôtes. Franwal: ahåyant po "Il faut boire le calice jusqu'à la lie". F. corne. 2. bwès avou do coxhlaedje ki crexhe so l' front des ciers et des parey a zels. Les coines des ciers toumèt tos ls ans mins les cenes des dins et des renes ni tcheyèt nén. F. bois. 3. subtance des shabots des tchvås, des ongletes des vatches. On s' meteut del formol dizo les pîs po k' i divnénxhe deurs come del coine. Etimolodjeye: latén d' sôdårds "corna" (minme sinse). II. [o.n.] instrumint k' on shofele divins po fé do brut. Ni roveye nén di prinde on coine po nd aler al trake dimwin. I prindént des coines di tchesse po-z aler ecoraedjî li Standård. F. cor (de chasse). Disfondowes: cwane, cwène, cwâne, cwan.ne, cône, côrne, coûne, coûrne. Etimolodjeye: latén cornu (coine). | coirnet [o.n.] 1. pitit saetchot del fôme d' ene coine; On coirnet d' fritches a 50, martchand, s' i vs plait&nbsp! On dit eto: cahote. F. cornet. 2. coirnixhea (ås tripes). 3. boket do telefone k' on schoûte et cåzer avou. Elle a rclapé l' coirnet do telefone, rodje come ene pivône (H. Van Cutsem). F. écouteur. | coirnixhea [o.n.] 1. traitoe k' on-z î emantche li tripe après, po bôrer les boudins. rl a: boudinoe. F. entonnoir à boudin. 2. coine di fier metowe a l' evier so on long baston, po distinde les ciedjes a l' eglijhe. Disfondowes: cwarnichia, cwèn'hê, cwan'chê, côrnichia. | coirnixheus, e [addj.] (mot d' biyolodjisse) deur come del coine. Les igwanes ont ene coirnixheuse cresse k' elzî court tot do long do dos. F. corné. Disfondowes: cwarnicheus, cwèrniheus, cwèn'heus, cwan'cheus.

Coirnixhea.jpg

coirnixhea (poirtrait saetchî pa Martine Mahin).