Motî:doû

Èn årtike di Wikipedia.
Potchî a: naiviaedje, cweri

doû [o.n.]

1. termene k' on mostere, dins ses mousmints et dins ses cdujhances, k' on-z est dins l' penin paski onk di vos parints est moirt. F. deuil. >> esse di doû (di): aveur on près-paint k’ a djusse morou. >> si mete e doû; u : >> si mete di doû; a) si moussî come rekis po porter l’ doû. b) (imådjreçmint) furler tos ses cwårs. F. dépenser tout. >> i s' ont metou d' doû po lontins: il ont-st epronté dtrop, il åront do må a rpayî. >> si mete foû d' doû ; u : >> esse djus d' doû: aveur tot fwait d’ poirter l’ doû. >> grand doû: doû foirt sitraegne, poirté po ses parints. Les femes poirtént l' grand doû avou l' chale a ût coines. Li grand doû serè poirté; les dmeys-doûs seront sopoirtés (djeu d' mots, papî pol fén do cwarmea d’ Måmdey). >> dimey doû, pitit doû: doû po des pus lon parints. Loukîz a : dimey-doûs. >> vwèle di doû: vwele ki les femes di doû agritchént a leu tchapea. Loukîz a : vwelete. >> fé s’ doû di: rinoncî a. I nos fåt fé nosse doû d' l' amour did la lontins, et nos coirnyî come deus båyåds a mitan moirts (G. Brener). Loukîz a : spani. F. se résigner à, faire son deuil de, être privé de. >> leyî fé s' doû: leyî aprester ene sakî a on cwitaedje. Ey i faleut tolminme leyî fé doû, bén påjhirmint, al moman, divant d' endaler (C. Denis). F. préparer psychologiquement.

2. mousmints k’ on poite di ç’ tins la. Il ont stî atchté leus doûs a Libråmont. F. vêtement de deuil. >> poirter l’ doû (po): shuve les dujhances di doû po (on près-parint). >> poirter l' doû Napoleyon: èn si nén moussî come i fåreut cwand on est d’ doû. >> poirter l’ doû di s' blanke bouwresse: aveur ses flaneles et scançons tot mannets.

3. noerès gordenes k’ on meteut dins l’ tchambe la k’ on leyive li moirt. F. tentures funèbre. >> mete li doû: assonrer ene tchambe avou ces tanteures la.

4. convoye des djins ki vont avou l’ moirt a l’ eglijhe, u a l’ aite. On dit eto:etermint. >> moenner l' doû: esse al tiesse di cisse convoye la. Davance, c' esteut les pus près vijhéns, èn ome et ene feme, ki moennént l' doû, les parints shûvént. >> shuve li doû; u : >> nd aler å doû: si mete dins l’ etermint.


Omofone:

  • Doû (viyaedje)
  • doûs (addj. soucré u djinti)