Motî:fijheu

Èn årtike di Wikipedia.
Potchî a: naiviaedje, cweri

fijheu, fijheuse / fjheu, fjheuse u fwaiyresse [o.f.n.] sakî u sacwè ki fwait (åk). F. faiseur, copurade

1. ene usteye. On fjheu d' tchenas, on fjheu d' ramons. F. artisan, fabricant.

2. èn ovraedje. Dispu l' tins k' les fjheus d' otorote fijhèt des berteles et des cinteures, sabaye comint k' nosse payis piede co ses coulotes (R. Arcq). F. fabricant. >> fijheu d' waibes-pådjes: programe infôrmatike k' on pout scrire des waibe-pådjes avou. F. éditeur HTML. >> fijheu d' imådjes: programe infôrmatike po mete des imådjes papî e l' éndjole, et les aspougnî. F. programme de saisie d'image.

3. des scrijhaedjes. Loukîz a: oteur. >> fijheu(se) di rimeas: li ci (cene) ki scrît des arimeas. F. poète. >> fijheu(se) d' paskeyes: li ci (cene) ki scrît ôte tchoi k' des rimeas. F. prosateur. >> fijheu(se) d' tchansons: li ci (cene) ki fwait des tchansons (pårlaedjes et muzike) Tos les grands fjheus d' tchansons d' Lidje estént mimbes do Cåbaret Walon. F. chansonnier. >> fijheu(se) d' årmonak: li ci (cene) ki fwait des årmonaks. I gn a rén d' si minteu ki les fjheus d' årmonak (copurade si on-z anonce li tins).

4. ene ouve d' årt, on programe infôrmatike. >> fijheu(se) d' programes: onk (ene) ki scrît des programes infôrmatikes. F. programmeur, informaticien. C' est lu l' fijheu des programes e walon so Linusse. F. auteur, créateur. >> fijheu(se) di coleurs a l' aiwe: pondeu ki pint des coleurs a l' aiwe. F. aquarelliste.

5. todi l' minme cayet, les minmes djesses. >> fijheu(se) di concours: li ci (cene) ki fwait tos les concours (so les gazetes, å posse, evnd). >> fijheu(se) di toûs: li ci (cene) ki fwait des toûs po-z amuzer les djins so les fweres, evnd. Sol bate, i n aveut dinltins, des tchanteus et des fjheus d' toûs. F. saltimbanque. >> fijheu(se) d' dicåces: lomaedje politicmint comifå po "barakî". F. forain. Dj' inme co bén ndaler plaider ene eure avou les fjheus d' dicåce, et dji n' les lome nén "les barakîs" (A. Henin). >> fijheu(se) d' imbaras: onk (ene) ki fwait des manires, des chichis. Loukîz a: grandiveus. F. pédant(e), prétentieux, précieux, maniéré, mijaurée. >> fijheu(se) di s' nez: li ci (cene) ki s' vante. F. vantard, fanfaron, prétentieux. >> fijheu(se) di cancans: onk (ene) ki canle tofer sol dos des djins. >> fijheu(se) di comedeyes: onk (ene) ki fwait toltins des comedeyes divant les djins (ki boerleye so ls ôtes). F. braillard, faiseur de scandales.

6. (mot d' linwincieus) li ci ki fwait l' accion do viebe (li fjhaedje). E rfondou walon, on a wårdé purade li cawete -eu fok pol no d' fijheu. F. agént.

Tcherpetaedje[candjî]

no d' fijheu do viebe ""

Disfondowes[candjî]

f(i)jeu(se), feu, fieu, fèyeu, f(è)jeu, f(u)jeu, f(ë)jeu, f(è)zeu.

Hårdêyes divintrinnes[candjî]