Motî:frake

Èn årtike di Wikipedia.
Potchî a: naiviaedje, cweri

frake [f.n.] bele mousseure, come on fén paltot, k' on poite so ene tchimijhe, afeye avou on texhou sins mantches. Nos capotes disfligotêyes si frotnut ås frakes des monsieus k' ont des dints d' ôr et ki boevnut l' tchampagne (E. Wartique & E. Thirionet). Il ont rployî tchaeke a toû Leu gazete su leus djnos Et rpinde leu frake ås båres, Les tåyes (E. Gilliard). Ça m' botréve di esse on foteu d' imbaras avou ene frake d' acapareu pou ndaler tricbaler (J. Lamouline). On-z a prins des viyès lokes di s'-n ome, et les mete dins l' saetch, sins rovyî l' viye frake k' i daleut å djårdin èt sognî les biesses (J. Goffart). Loukîz a : coirsulet, camizole, caban, peluron, pelerene, sortot. F. veste. >> frake a pans: bele noere frake avou deus paneas a ponte, ki pindèt padrî. Po comincî, nos faleut des wants crinme; Solés vernis, et frake a pans bén tirêye; Po nos moenner, een vweteure amerikinne : C' est nén por nos, c' est po les sinistrés (J. Baguet, tchanson "Les sinistrés"). F. queue d'aronde. >> ritourner s' frake: dire avou vos divant vos, et padrî l' contråve. On dit eto: rtourner cazake. F. retourner sa veste.



Dipus d' racsegnes so les mousmints