Motî:molén

Èn årtike di Wikipedia.
Potchî a: naiviaedje, cweri

molén [o.n.]

1. bastimint la k' on moût ene dinrêye, copurade do grin. Tins del guere, dj' avans yeu des cotcheus ; i ramassént del blè dins les cines et i rpassént å molén pol moure (ramexhné pa Jacky Adam). Cwand vos seroz houte di l' Ôlreye, on vî molén ki toume e pîces, vos trevåtchroz li hamea d' Veve (J. Houziaux). Loukîz a : mônî, mieule. >> molén a l' aiwe, molén å vint, molén electrike: molén ki va a l' aiwe, å vint, a l' electrike. Li tiesse mi toûne dedja come on molén å vint (Les Ipocondes). >> molén ås fayenes, ås schoices: molén ki moût des fayenes, des schoices. >> pire di molén: pires ki tounèt et moure li grin inte di zels >> somadjî a fé tourner les aiyes d' on molén: somadjî foirt >> fé rivni d' l' aiwe sol molén : fé rintrer des cwårs e manaedje. >> Salzene les Moléns: no d' plaece, so Sambe, vizan-vizu d' Salzene ewou k' i gn aveut l' molén del abeye di Salzene.

2. usteye po moure ene dinrêye. Gn a nén d' l' electrike po fé aler l' molén et mi dj' a rovyî d' moure li cafè (A. Maquet). >> molén å cafè: trimouye u molén electrike. F. moulin à café.

3. usteye ki toûne. Cwand les rowes, dins nosse tiesse, ni tournént pus foirt bén, On mawyive des fayenes po-z ecråxhî l' molén (L. Piron). El tins, on l' moût et on l' rimoût å grand molén del vicåreye (L. Lecomte) >> molén a fiyî: usteye ki toûne et k' on feye del linne avou. F. rouet. >> molén ås paroles: berdeleu. Les caisresses voeynut passer des soriants, des grigneus, des pressès, des båyåds, des maweas, des begyåds, des moléns ås paroles, des spepieus, des djan-fote des målureus et mwints côps... on conteu d' fåves (C. Massaux).

4. pitit molén, molén a l' aiwe : mozete d' ene feme, eneviè li "molén å vint" (li drî ki vesse). F. vulve. >> si mere lyi a leyî deus moléns, onk a l' aiwe et l' ôte å vint: ele ni lyi a rén leyî (ki ses trôs naturels). >> elle a l' molén do cou spiyî: po ene comere ki rote tot alårdjixhant les djambes.

Etimolodjeye : bodje A do viebe moure, cawete -én.

| molene [f.n.] (v.v.m.) molén. Loukîz a : Li Molene.


Parintêye :

Nos d' plaeces :

Nos d' famile :