Motî:oxhea

Èn årtike di Wikipedia.
Potchî a: naiviaedje, cweri

oxhea [o.n.] deur boket do coir des djins et di sacwantès biesses cronzoxheyes, ki si emantchaedje avou des pareys a lu fwait l' tcherpinte do coir (l' eskelete). Li tchén åreut mî inmé èn oxhea a spepyî k' ene medaye, po-z awè schapé les deus alpinisses (H. Pétrez). On s' a fotou sol bidon come troes afamés tchéns d' barakî k' årént atrapé èn oxhea, et l' lård avou (Yvon Laurent). Dji m' rafiyive di magnî a reletche doet l' oxhea cût al sope (R. Dambly). F. os. >> n' aveur ki l' pea so ls oxheas: esse foirt mwinre (maigue). >> aveur må d' tos ses oxheas: aveur må pattavå, come cwand on a l' creva. >> aveur todi må ses oxheas: esse todi malåde; u si dire, si croere malåde. On dit eto: aveur todi pete u vesse. >> si restchåfer les oxheas: si mete å solea. F. bronzer, prendre le soleil. >> reschandi ses oxheas: si rtchåfer e coulot do feu. >> l' etermint da Matî l' Oxhea: ceremoneye po rire li mårdi del dicåce (a Djudla-Mouze et ôte pårt), wice k' on fwait les cwanses d' eterer èn oxhea (do djambon) po dire ki l' tins del fiesse est houte. >> ataker on cråne oxhea po s' ruslî: vey trop grand. >> ti freus bén do conter tes oxheas: mançaedje.

Etimolodjeye: bodje oxh, cawete -ea.