Motî:poere

Èn årtike di Wikipedia.
Potchî a: naiviaedje, cweri

Wiktionary-logo.svg

Li mot "poere" est recråxhî sol Wiccionaire

Des poeres dins les coxhes d' on poerî

poere [f.n.] longou frut, pus lådje å cou k' al copete, avou ene fene pelote djaene-vete eyet ene blanke soucrêye tchå, foirt tinre. F. poire. >>  poere di cardinå:: sôre di poere d' ivier. >> poeres (di) Mitchî: ôte sôre. >> poere di coirdjibåd: ôte sôre. Å no del vôte, do vôtion et del poere di coirdjibåd, dijhoz bén, Nanete, ki vos n' ploz må. Åmen ! (racontroûle). >> cûte poere: poere k' a stî bolowe, et k' on magne avou do souke. >> tchafyî del cûte poere: copiner. F. discuter le coup. >> poere pol soe: peme po l' soe. Poere pol soe, peme pol soe, dj' avans rfuzé d' î sondjî (H. Hance Burquel). >> croere k' gn a k' a code les poeres: croere ki les ålouwetes vos vont tchaire el boke tote fricassêyes. F. croire au Père Noël. >> boune poere: bråve djin. Oyi, l' boune poere, li boune curêye, Elle a moenné ene pôve vicåreye (Simon li Scrinî).

Disfondowes: pwêre, peure, pwâre, pware, pwère.

| poerî [o.n.] åbe ås fruts del famile des rôzacêyes ki dene des poeres. >> Å poerî: (so plaece å Pèrî) no d' ene rowe di Lidje.

Disfondowes: pwêrî, peurî, pèrî, pwârî, pwariè.

| poeré [o.n.] sirôpe (purade avou des poeres divins). F. sirop de Liège.

Disfondowes: pwèré, pwârè.

Coinrece Fåmene et Basse-Årdene.

Pwaire minimom (coinrece)

  • pèrî, disfondowe di poerî, et peri