Motî:rén

Èn årtike di Wikipedia.
Potchî a: naiviaedje, cweri

Wiktionary-logo.svg

Li mot "rén" est recråxhî sol Wiccionaire

rén [nén definixhant prono]

1. nole sacwè. Contråve: åk, ene sacwè. F. rien. >> I n' fåt rén: dijhêye a on boledjî, bresseu, martchand d' pexhons ki vént e tournêye, s' i on n' a nén dandjî di s' martchandeye. >> ci n' est rén: dijhêye po rapåjhî ene sakî k' a del poenne. >> c' end est rén: c' est on rénnvåt, on canvolant. >> c' est nén rén: c' est foirt malåjhey. Fr. c' est un problème, c' est pas évident. >> il a fwait ça come rén: åjheymint. >> dimorer a rén: dimorer sins rén fé. C' est nén rén, saiss, di dveur dimorer a rén. F. rester inactif, oisif. >> i n' a rén: a) il est mierpôve. Dinltins, les cis ki n' avént pont d' vatche on djheut: i n' ont rén !. F. dans une pauvreté absolue. b) i n' est nén coixhî (après èn accidint). >> i n' est nén sins rén: il est ritche. Li prôze nén racontrece, c' est ene essegne ki l' lingaedje va bén, ey e walon, on n' est nén sins rén (L. Hendschel). F. non sans ressources. Li ci ki n' sait nén comint k' les djins vicnut avårla, c' est rén d' lu: i n' sårè tirer s' plan. Franwal : ahåyant po F. ne pas savoir s'adapter. >> on ptit boket d' rén do tot: on foirt pitit boket. >> ni rén: metou al fén d' ene djivêye di mots. On n' î pôrè côper ni stiernixheures, ni bwès, ni håye, ni tote sôre avou ni få, ni hawe, ni seye, ni rén (vîs papîs, 1634). rl a: nerén. F. ni quoi que ce soit. >> I n' est pus gåre: i n' a pus ni fizik ni rén: nén ddja on fizik. F. même pas, non plus. >> çoula n' a ni cogne ni rén: ça n' rishonne a rén, c' est må fwait. F. aucune allure. >> I gn aveut ni bire ni peket ni diale di rén: gn aveut vormint rén. >> rén d' ôte: rén a pårt çou k' on vént d' dire. Ingl. nothing else. >> so rén do monde di tins: foirt raddimint. F. en moins de temps qu'il ne faut pour le dire. >> come si rén n' è fouxhe; u tot fjhant shonnance° di rén: F. comme si de rien n'était. >> rén do tot: vormint rén. On dit eto : kendal. >> rén do tot d' tot ça; u: ki d' rén n' è soeye!: dijheye po rfuzer tot nete, tot setchmint. F. Il n' en est pas question.

2. ene sacwè (dins ene fråze di noyaedje). I gn a nouk k' åye rén fwait.

| on rén

I. [o.n]

1. ene pitite miete. I m' fåreut on rén d' boure. F. rien.

2. on rén do tot on nolu. F. nullité, nul, incapable. >> on rén do tot avou on grand mantche°.

II. [advierbire] ene miete. Cisse plantche la est on rén trop sipesse. F. légèrement.


Mots d' aplacaedje :

Omofones coinreces:

  • avou rin
    • rin (o.n.; boket do coir)
    • rin 2 (rame di beyôle)
    • Rin (aiwe).
  • avou
    • (note di muzike).