Motî:schaesse

Èn årtike di Wikipedia.
Potchî a: naiviaedje, cweri

schaesse u eschaesse [f.n.]

1. grande grande pîce di bwès avou ene plakete po mete si pî, k' on ndè prind deus come des crosses, po roter avou, et esse pus hôt (et passer l' aiwe, metans) u aler pus rade. I vont, i rotnut a schaesses. Les efants s' amuzèt voltî a roter avou des schaesses (R. Hostin). Les bierdjîs do Payis d' Nameur estént montés so des schaesses (E. Dethier). On s' atindeut tertos a vir les grossès aiwes; Come on les a sovint, on-z est acostumé; On court didins a schaesses, on è reye d' astampé (L. Bernus). Des omes so des hôtès schaesses rotnut dins l' aiwe; end a onk k' a èn efant so s' dos (H. Petrez). Et les djoûs si dxhombrît; leus djambes estént des schaesses (A. Lovegnée). Dji m' a siervou do walon come d' ene haminde po monter so mes schaesses, po m' mete e valeur et fé djåzer d' mi (F. Nyns). F. échasse. >> esse monté so des schaesses: aveur des longuès djambes.

2. longue djambe. I n' tént nén so ses schaesses (ramexhné pa A. Carlier et W. Bal). Il a des schaesses: il a l' air d' on lôlô (J. Coppens). Il a des fameusès schaesses (J. Wisimus). On dit eto: cråwe, sikeye. F. guibole. >> Avou tes longuès schaesses et tes pîs come des samwinnes: dijhêye a on grand londjin. >> esse so ses schaesses: esse so pî, esse levé. Li 3 d' djun, nos estîs tot timpe so nos schaesses (L. Sohy).

Etimolodjeye : tîxhon "skakja" (Ny. schaats patin).

Rowe des Schaessîs a Lessive

| schaessî 2 u eschaessî 2 [o.n.]

1. schaesseu. >> Rowe des schaessîs: rowe di Lessive

2. sôre d' oujhea avou des pates come des schaesses. F. échassier.

Parintêye :