Motî:soce

Èn årtike di Wikipedia.
Potchî a: naiviaedje, cweri

soce [f.n.]

1. copagneye, trope di camaerådes. Dins ene soce, c' est todi les minmes ki boutèt. Dji n' conoxhe nén totes les mezuzes del soce. A m' prumî djondaedje avou l' soce dj' a sintou bråmint d' tcholeur, eyet d' simplisté eto (M. Piette). Rodjî aveut enondé s' soce da lu, k' i nd esteut l' peneu (B. Louis). F. association, groupement, société. >> esse di soce avou: esse camaeråde avou. Il esteut d' soce avou tolmonde ? Oyi, avou les cis di s' sôre, a lu (P. Renson)). Comint k' t' es d' soce avou on gayolî parey ? F. être copain, être en bons termes. >> ome di soce: foirt gaiye djin, camaeråde avou tertos. Dji so bén gaiy; èn ome di soce, come tos les moxhnîs (A. Laloux). F. personne sociable, enjouée. >> fé ene soce avou: bouter eshonne, tot djåzant di deus ptits cinsîs, deus ptits indepindants. F. s'associer momentanément. >> prinde ene sakî e soce: fé camaeråde avou lu. Cist ome la l' aveut prins e soce dispu des anêyes, i lyi aprindeut l' fizike, l' areyonotike et l' astrolodjeye et i cåzént walon eshonne (M. Hubert). F. "prendre en amitié". >> soce di scrijheus: troke di djins ki scrijhnut dins on lingaedje. Les raploûs d' ene soce di scrijheus, c' est aprume po coridjî les tecses; i dijhnut les tamjhî u lzès passer al passete. F. "société littéraire". >> soce di rcåzeus d' walon: troke di djins ki sayèt di rcåzer walon inte di zels. F. "tables de conversation". >> soce di teyåte: dramatike. F. "Société théâtrale, société dramatique". >> soce nén recwårlante: soce ki n' cwirt nén a wangnî des liårds. F. "Association sans but lucratif". >> soce nén loyeye a on govienmint: soce ki boute po fé do bén, et ki n' provént nén d' èn estat. F. "Organisation Non Gouvernementale, ONG".

2. classe del societé. Les parints s' avént tofer bén etindou, mågré l' diferince di soce (C. Denis). F. société, classe sociale, rang. >> ci n 'est nén des djins d' nosse soce: c' est des djins del hôte (u del basse classe). Cwè çki t' vous, les carioteus, ci n' est nén des djins d' nosse soce (A. Laloux). F. pas de notre rang.

| soçon, soçone [o.f.n]

1. mimbe d' ene soce. F. sociétaire. >> mimbe soçon: mimbe oficire d' ene soce, eneviè on mimbe soçneu. F. membre effectif.

2. camaeråde. Dj' aveu on camaeråde nén come les ôtes, on soçon co pus clapant k' èn ôte paski c' esteut ene soçone (E. Pacquart). Loukîz a : planket, cama, copleu, amisse. F. copain, camarade, pote. >> bén do soçon: sacwè ki n' est nén da vosse. F. bien d'autrui.

Parintêye[candjî]

Minme sourdant etimolodjike[candjî]

Hårdêyes divintrinnes[candjî]