Motî:toursiyî

Èn årtike di Wikipedia.
Potchî a: naiviaedje, cweri

toursiyî (codjowaedje)

I. [v.s.c.]

1. si bate a ptits movmints, po vey kî çk' est l' pus foirt. Cwand il est esteut gamén, faleut todi k' i s' apougne et k' i tourseye (A. Marchal) E nosse coine, dj' esteu tote seule di crapåde; dj' inméve bråmint mia arnixhî les gaméns, toursiyî et s' capougnî (A. Laloux). F. combattre, se battre, lutter corps à corps.

2. sayî d' bate l' ôte, nén directumint, tot l' emantchant. Lyi fote ene trimpe eyet l' mindjî, C' est insi k' el vleut arindjî; Mins i faleut toursiyî ene miete, Foice k' el måtin vos lyi åreut ptete Fotou ene rôlêye di permission (L. Bernus). F. ruser, finasser.

II. si toursiyî [v.pr.] si bate (inte deus djins, deus peupes). Pocwè s' hagnî ? Pocwè s' toursiyî? Comprindoz l' ôte avou coraedje Et waitîz d' saveur si lingaedje (C. Bentz).F. se battre, lutter au corps à corps.

Tcherpetaedje : viebe toursi, cawete -yî.

| toursiyaedje [o.n.] no d' fijhaedje et no di çou k' est fwait (accion eyet si adierça) pol viebe "toursiyî" et "si toursiyî". L' ouve da Victôr George, c' est on toursiyaedje di tos les moumints inte les foices k' el saetchèt viè l' hôt et les cisses k' el ramoennèt les pîs so l' tere. Inte Diu et Mamon, come l' a dit Paul Claudel (G. Belleflamme). F. combat, lutte, bataille. >> spôrt di toursiyaedje: spôrt la k' on tourseye a deus. F. sport de combat.


Parintêye :