Motî Embanner walon
Li motî Embanner walon ki l' vraiy no, c' est Motî d' potche walon / francès / Dico de poche français / wallon, c' est on dobe motî (walfran et franwal) e rfondou walon k' a stî eplaidî e 2009 pa les Eplaidreyes Embanner.
Gn a on pô dpus d' 4000 intrêyes dins tchaeke mitan.
Li mwaisse adjinçneu do pordjet fourit Yannick Bauthière.
Il a yeu on fel côp di spale da Lucyin Mahin (atåvlaedje di mots corants et rfondaedje) et Jean Cayron (sicrijhaedjes des mwaisses prononçaedjes e-n AFE), avou ene pitite rawete da Pablo Sarachaga.
C' est l' prumî motî e rfondou walon måy eplaidî.
Il est rprins sol limero [R13] dins l' djivêye des motîs do walon. Et, come franwal, dizo l' limero [FR13].
Ådvins |
[candjî] Kitaeyaedje
- Coviete :
- Cou-coviete : Prezintaedje e francès ey e walon :
- Ci motî d' potche ci dins deus lingaedjes comprind ene miete dipus di 8000 mots ou rmetaedjes. Les mots sont les cias do lingaedje di tos les djoûs, et pol monde d' asteure. Gn a des vîs mots, bén cnoxhous dins les motîs; des côps, minme sacwants vîs vîs mots a prinde el plaece di sacwants noûmots vinous do francès et ki n' fwaiynut nén foirt walons, et des noûmots oyous amon les walon-dvizants, ou léjhous sol Daegntoele.
[candjî] Vindince et rlomêye
Li pris (8,50 €) esteut foirt assaetchant po les stroetès boûsses.
Li motî s' a vindou eto a des djonnes Walons k' ont d' l' agrès di raprinde li walon, et k' ont discovrou li rfondou avou ç' live la.
[candjî] Contnou
Sacwants djivions do motî Embanner (portant des mots eployîs coramint e 21inme sieke) n' avént co stî rprins dins nol ôte motî walon. Metans : "fitchî".
