Motî tchampnwès d' Suni

Èn årtike di Wikipedia.

Lexique du parler champenois de Sugny

Li motî tchampnwès d' Suni, ki s' tite, e francès, c' est Lexique du parler champenois de Sugny, c' est on motî tchampnwès-francès sicrît pa Roger Nicolas, dizo l' acviernance da Jean Lechanteur.

I n' riprind ki les mots eployîs a Suni, avou leu-z accint noté e sistinme Feller.

Il a rexhou e 2000 come tôme 27 del rivuwe di l' SLLW «Les dialectes de Wallonie».

Il est rprins avou l' rahouca Tcha1 dins l' Wiccionaire.

Kitaeyaedje do live[candjî | candjî l’ côde wiki]

Prezintaedje på diccionairî (moes d' octôbe 2000)
  • p. 5-6 : Adviertince
  • p. 9-11 : Divant-z-ouve (Roger Nicolas)
  • p. 13-24 : Adrovaedje (Jean Lechanteur)
  • p. 35-166 : motî lu-minme
  • p. 167 : pitits nos
  • p. 169-173 : nos d' plaeces di Suni

Istwere do pordjet[candjî | candjî l’ côde wiki]

Dins les anêyes 1990, Roger Nicolas rashonna ene djivêye di 2000 mots d' Suni. Si riscrijhaedje (ortografeye espontanêye) fourit evoyî å CLRE ki dmanda di porshuve les rcweraedjes et d' elzès rmete e scrijha Feller, avou l' aidance da Djhan Ltchanteu, ki s' aveut-st binamêymint anoncî po cisse bouye la.

Tot rwaitant les inketes da Haust po Suni (pont Ne65 di l' ALW) et ridmandant cwè ås temoens, Rodjî Nicolai parvina a rashonner ttaleure 5000 mots, po fé l' motlî definitif.[1]

Sourdant[candjî | candjî l’ côde wiki]

  1. (fr) Divant-z ouve do motî, p. 9-10.