Motî walon so les fyis
Èn årtike di Wikipedia.
On motî walon so les fyis, c' est on motî walon k' on pout aler loukî dsu sol Daegntoele.
Li prumî motî walon so les fyis fourit cmincî e moes d' måss 2000. Il esta eplaidî sol waibe di l' Aberteke, edjîstrêye so on sierveu des diccionairîs.
L' eplaidaedje do prumî motî complet a stî fwait e 2001, sol waibe di motîs Lexiglos.
Ådvins |
[candjî] Sacwants motîs walons so les fyis
- L' esplicant motî do walon, da Lucyin Mahin eyet Pablo Sarachaga. C' est on motî nén complet, mins ki s' recråxhe tofer. Li modêye metowe sol waibe di l' Aberteke est aberwetåve. Gn a eto ene modêye sol Wikipedia walon.
- Li Wiccionaire, enondé pa Lucyin Mahin e 2008, ki rprind les dnêyes di l' esplicant motî cial ådzeu et l' recråxhî, tot ratournant les mots walons dins des ôtes lingaedjes.
- Li motî d' Lidje so les fyis, kimincî e 2001, adjinçné pa Bertrand Cornu sol waibe di motîs Lexiglos. I rote eto avou on sistinme di ratournaedje francès-walon et walon-francès. Si pout on aberweter tot l' fitchî.
- Li motî d' Forire et d' Nåwinne, adjinçné pa Jean-Pol Grandmont, todi sol waibe di motîs Lexiglos. I rote eto avou on sistinme di ratournaedje walon-francès et francès-walon. Si pout on tcherdjî tot l' fitchî djus.
- Li motî etimolodjike da Grandgagnage, aberwetåve e PDF, pådje pa pådje ou en etir, a pårti d' on scanaedje sol waibe del Bibioteke di France.
- Do costé des franwals, gn a eto dispu l' moes d' fervî 2004, on ptit motî francès-walon avou l' accint d' Tchålerwè, fwait pa Roger Romain.
[candjî] Riwaitance des motîs walons so les fyis
Gn a tot l' air d' aveur on fel agrès po les motîs walons so les fyis. Metans, li motî d' Forire et Nåwinne, il a stî eberweté tot etir 2383 côps so l' anêye 2004.
