Nayômé

Èn årtike di Wikipedia.
Potchî a: naiviaedje, cweri
l' eglijhe

Nayômé (fr: Naomé) c' est èn ancyin ptit ban del Walonreye, rebané avou Bive.

  • Sipotaedje des djins: les Cadets.

Po l' etimolodjeye et les vîs scrijhas, riwaitîz dins l' esplicant motî.

Istwere[candjî]

Li viyaedje di Nayômé est cnoxhou dispwis 770 (Aldamega, Nawômé, Naômé), la k' on ndè cåze dins l' tchåte di Wandelaicus mansus.

Li tchestea d' Nayômé a stî ataké pås Montagnards Francès ki vnént do camp d' Belvå-dlé-Bouyon, li 17 d' awousse 1793 et l' signeur, Filipe-Gedefroid, viconte di Lardenoy de Ville, deputé do nôbe-estat pol Lussimbork a stî touwé, adon k' i s' aveut catchî dins les grands djonkeas do vivî. Ça a stî l' dierin signeur di Nayômé.

Gn aveut dins l' tins a Nayômé ene viye tchapele k' a stî confondowe po-z è fé ene novele. Les viyès pires ont stî baculêyes dilé l' vivî et cwand les djins ont basti des novelès måjhons, il ont tcheryî ces pires la. Ça fwait k' on rascontere dins les meurs des måjhons, des pires avou des scrijhaedjes.

No di des plaeces di Nayômé[candjî]

plake "Vevî do Doyåre"

Hamteas[candjî]

  • Mon Idêye

Ôtès plaeces[candjî]

Avey[candjî]

cwåré madjike so ene pire d' ene måjhon

Al rowe d' Ôpont, padrî l' eglijhe, ene måjhon avou ene pire avou on cwåré madjike (sol måjhon Alaime) ki provént del viye tchapele.