Noere oraye di tchet

Èn årtike di Wikipedia.
Potchî a: naiviaedje, cweri

Li noere oraye di tchet est, come si blanke couzene, on tchampion foirt corant del famile des elvelacêyes.


noere oraye di tchet
Helvella lacunosa  (Foto: Jean-Pol Grandmont).
Helvella lacunosa (Foto: Jean-Pol Grandmont).
Classifiaedje syintifike
Ringne: Fungi (tchampions)
Ecoxhmint: Ascomycota
Classe: Hymenoascomycetes
Dizo-classe: Pezizomycetideae
Ôre: Pezizales
Famile: Helvellaceae
Djinre: Helvella
Espece: lacunosa


Discrijhaedje[candjî]

Tchampion (3-10 cm) fôrmé d' on gris-foncé a noer tchapea, avou ene fôme di sele ou ene conformåcion pus ou moens cafougneye ou lobêye, avou on gris pî k' a des parfondès royes so tote si hôteur. Li tchå est tene, ridjide, elastike et sins odeur. I vént al tere ossu bén dins les clairs et frexhs bwès a foyes (pus rålmint dins les sapéns) li long des pazeas, ki dins l' yebe, les håyes et les hourleas des pateures. On l' trove di l' fén del bele-såjhon djusk' a l' fén d' l' årire-såjhon.

Eployaedje[candjî]

C' est on tchampion k' on pout mougnî (tocsike cru) apres aveur pris l' précôcion di l' bén cure et di taper å diale l' aiwe k' a siervou a l' cure.

Bibliografeye[candjî]

Tites des lives e francès k' i gn a avou pus di racsegnes so ç' tchampion la:

  • Régis Courtecuisse, Bernard Duhem: Guide des champignons de France et d'Europe (Delachaux & Niestlé, 1994-2000).
  • Marcel Bon: Champignons de France et d'Europe occidentale (Flammarion, 2004)
  • Dr Ewaldt Gerhardt: Guide Vigot des champignons (Vigot, 1999) - ISBN 2-7114-1413-2
  • Roger Phillips: Les champignons (Solar, 1981) - ISBN 2-263-00640-0