Oujhea d' proye

Èn oujhea d' proye ou oujhea proylî ou oujhea magneu d' tchå, c' est èn oujhea ki magne des vicantès biesses, lomêyes ses proyes. I les apice tot ls esserant dins ses grawes, soeye-t i po lzès stofer (wôteus), soeye-t i po les tni a stok, et lzî coixhî l' hanete (fåcons).

Les nos walons des oujheas proylîs si rcôpnut sovint: on minme no si dene a sacwants indjes (egzimpe : lairon ås poyes, houprale). D' èn ôte costé, li minme sôre d' oujhea d' proye pout aveur ene driglêye di nos.

On rindje sovint les oujheas proylîs sorlon k' i tchesnut do djoû u del nute. Les oujheas d' proye di djoû k' on trove el Walonreye sont lomés les moxhets ou miyots.

Dins les cis d' nute, on trove, padecô di l' adire inte les tchafôs, k' ont come des ploumes ki bizèt foû del tiesse, a môde d' orayes, et les houretes ou poûtes, k' ont ene ronde tiesse.

Rindjmint des oujheas magneus d' tchå

moxhets

Loukîz a :: moxhet

ôtes oujheas proylîs d' djoû

• aigues

houretes

• hourete di bwès ou grande hourete (Strix aluco)
• hourete des tchamps ou pitite hourete (Athene noctua)
• hourete di clotchî ou blanke hourete (Tyto alba)

tchafôs

• duk di bwès

Alére

• Ene båke so les bwès d' l' Årdene p. 297.
• ALW 8, pp 189-201.