Pîce di teyåte

Èn årtike di Wikipedia.
Potchî a: naiviaedje, cweri
Pordjet Wikipedia "pîces di teyåte e walon".

Ene pîce di teyåte (a Lidje, on prononce piéce), c' est ene ouve di belès letes avou rén k' des cåzaedjes inte sacwants djins, k' on lome les persounaedjes del pîce.

Gn a eto sacwantès esplikêyes so les movmints des persounaedjes, et pacô, li sintimint k' i dvèt mostrer po ene u l' ôte replike.

Ene pîce di teyåte est scrîte po esse djouwêye en on teyåte.

Li ci ki scrît des pîces di teyåte si lome on fjheu d' pîces di teyåte (on dit sovint, pus coûtmint, on teyåtreu).

Po ene djivêye di rlomêyès pîce di teyåte e walon, alez s' vey so Pordjet Wikipedia "pîces di teyåte e walon".

Sacwantès sôres di pîces di teyåte[candjî]

  • les comedeyes : po fé rire
    • les vådveyes : comedeyes foirt simpes, loukêye di hôt pa sacwants critikes
  • les tradjideyes : po fé tchoûler
  • les tradjicomedeyes : inte les deus
  • les pîces en èn ake
  • les pîces e deus akes : foû råles
  • les pîces e troes akes : le spus corantes
  • pîces e cwate u cénk akes
  • les operås : pîce di teyåte avou tioplin des tchansons dvins
  • les operetes : pititès operås
  • les pîces al mierdjin : gn a k' on seul acteur.
  • les rvowes : pîce la k' on rpasse des sacwès k' ont-st arivé enawaire dins èn etablixhmint, on viyaedje.
  • les pîces radiofonikes