Padzo ene belfleur (roman)

Èn årtike di Wikipedia.

Pa d’zous ’ne bèle fleur

Li Wiccionaire si rsieve di sacwants fråzes di ç' live cial po-z enimådjî des mots k' i gn a.

Coviete

Padzo ene belfleur (Pa d'zous 'ne bèle fleur), c’ est on roman e walon, sicrît pa Léon Mahy do 15 d' avri å 15 d' awousse 1954.

Mins l' ouve ni rexha e fouyton dins l' gazete e walon El Bourdon k' e 1956 (do l° 80, do moes d' avri 1956 å l° 96 do moes d' awousse 1957).

I vuda eto come live, mins sins date.

Come si no el dit, ele si passe emey les houyeus.

Avançmint do roman[candjî | candjî l’ côde wiki]

Dins les deus prumîs tchaptrês, li spoûle ni s' disrôle nén todi cronolodjicmint. Li prumî tchaptrê mostere li pere Renson, ene sôlêye fineye, mins on fel ovrî, ki va ovrer dabôrd k' il est fén sô. Al fén, i tome evoye, eyet s' camaeråde, Manu, li rpoite dins on tcheri, so des botes di strin. Mins tot s' dispiertant dins l' froed, il atrape ene peumoneye ki l' va epoirter.

Li deujhinme tchaptrê, c' est on rtoû e-n erî sol vicåreye di l' ome.

Li mwaisse persounaedje, Douwård Renson, li fi do ci di dvant, ni va intrer e sinne ki e troejhinme tchaptrê. Après aveur halkiné, i finixh pa moussî el houyire, come si pa. Mins lu va decider di n' måy aduzer ene gote d' alcol. Et awè l' dår d' amidrer les condicions d' ovraedje des tcherbonîs.

A pårti d' adon, li spoûle tchereye cronolodjicmint.

Corwaitaedje[candjî | candjî l’ côde wiki]

Li walon î est ene miete francijhî, mins li racontaedje est bén fwait, et on-z î discovere sacwants mots tipikes del fosse (evoyaedje, belfleur, côpmint, egzôre).

Hårdêye divintrinne[candjî | candjî l’ côde wiki]

Loukîz a : 2 passaedjes sol ricnoxhance do grizou avou ene lampe-temoen.

Hårdêye difoûtrinne[candjî | candjî l’ côde wiki]