Paul Renson
Èn årtike di Wikipedia.
Paul Renson, c' est on scrijheu e walon k' a skepyî a Wernant li 16 d' awousse 1922 et k' a morou li 29 di decimbe 2008. Il a dmoré tote si veye a Tîhondje.
Il a scrît 25 pîces di teyåte e walon.
Il a scrît lontins dins ene pitite gazete di Haneu, l' Aronde.
Il aléve eto voltî dner on côp di spale dins les djuris do walon e scole ey eto po les Pris do Coirneu (e 2001 et 2004).
Ses scrijhaedjes sont purade des sovnances.
Avou Djôzef Durbuy il amonta li pîce radiofonike "Li bele Tereze".
Riprins dins l' Antolodjeye des scrijheus e walon do Payis d' Hu da Jean-Pierre Dumont.
Come mestî, il esteut eployî d' tribunå (tchîf grefî al fén di cårire).
Paul Renson n' esteut nén parint avou Gilbert Renson.
Sacwants rlomés tites [candjî]
- So l’ tram di Fize
- Nosse voyaedje al Sint Evermåre
- Li mwaisse di scole et l' mankin
Hårdêyes difoûtrinnes [candjî]
- Djivêye di ses ouves et sacwants scrijhaedjes (sol l' antolodjeye des scrijheus do Payis d' Hu)
- Ene ôte pådje di ses scrijhaedjes (so l' Aberteke)
- Co ene pådje sor lu, avou èn arimea (sol waibe “Li walon d’ amon nozôtes”)
- Si biyografeye e francès
