Pere Noyé

Èn årtike di Wikipedia.
Pol discramiaedje des årtikes avou l' mot « Noyé », loukîz cial.
Pol discramiaedje des årtikes avou l' mot « Sint-Nicolai », loukîz cial.

Li Pere Noyé (des côps, djusse «Noyé»), c' est on forveyou persounaedje ki vént å Noyé, mins eto al novelan po-z apoirter des bistokes ås efants. C' est ene kitoirdowe imådje da sint Nicolai et di s' fiesse.

Istwere do Pere Noyé[candjî | candjî l’ côde wiki]

Live k' esplike did dou vént l' Pere Noyé

Cwand les Amerikins, bråmint des ebagants des Bas Payis et di çou ki va divni l' Beldjike, volît rfiesti sint Nicolai, il avént rovyî les pondants et les djondants do persounaedje.

  • I n' si sovnént pus di Hanscroufe.
  • Il avént rovyî l' ågne, et les raecenes ki les efants metént por lu magnî.
  • I n' savént pus ki l' grand sint passéve passéve pa li tchminêye.
  • I n' si rmimbrént nén ki c' esteut èn eveke, avou ene grande cote, li mite (tchapea d' eveke) et l' crosse.
  • Il s' ont brouyî dins l' date di s' passaedje, tot l' metant li nute di dvant l' Noyé (come on rlomé powinme sicrît e 1923).

Adon, il edvintît on persounaedje, co lomé sint Nicolai å cmince ("Sinterklaas" e neyerlandès, divnou "Santa Claus"), mins ki va tot doûçmint esse ribatijhî «Father Christmas». Ci côp la, li novea lomaedje va esse ratourné dins tos les lingaedjes del Daegne. E walon, ça dinrè : «Pere Noyé».

Vla kimint k' il a ristî mådjiné :

  • Il a des renes (deus disk' a ût, sorlon les môdes), et vneut avou ene eschlide.
  • Il a des botes, on rodje cazawek, ey ene rodje bounete al ponte, avou on blanc pompon ki rtchait padvant.[1].
  • Come c' est on vayant k' apoite des boubounes, il a purade li cogne d' on ptit bodou.
  • I pase li nute do rewoeyon d' Noyé.[2]

Môde do Pere Noyé e l' Walonreye[candjî | candjî l’ côde wiki]

Dispu l' fén do 20inme sieke, li pere Noyé est todi pus djouwé ki Sint Nicolai. Aprume aou l' môde des martchîs d' Noyé ki cminçnut dedja å mitan do moes d' nôvimbe.

Portant, i n' a nén pår schové evoye les uzances do passaedje da Sint Nicolai li 6 di decimbe.

Sourdants[candjî | candjî l’ côde wiki]

Commons
Commons
I gn a so les cmons Wikipedia des imådjes ou fitchîs son a vey avou l' pere Noyé .
  1. E sacwantès plaeces (Almagne), c' est puvite ene vete mousseure
  2. Christine Taulez, La querelle du père Noël, Edicions Scaillet, 1991, ISBN 2-930002-03-4