Poerî d' cwin

Èn årtike di Wikipedia.
Potchî a: naiviaedje, cweri

Wiktionary-logo.svg

Po des linwincieusès racsegnes sol mot "poerî d' cwin", alez s' vey sol Wiccionaire

Poeres (ådzo) et poeres di cwin (ådzeu)

Li poere di cwin, c' est on frut ki rshonne a ene poere, mins elle est pus deure, ele a des coisses et ene poyowe pea. On nel pout magnî k' estant cûte.

Li poere di cwin vént so on poerî d' cwin a pårti di belès blankès fleurs.

No d' l' indje e sincieus latén : Cydonia spp.

Famile : rôzacêyes.

Li poere di cwin n' est nén del minme indje kel poere.

Vinaedje[candjî]

Les poeres di cwin polèt dmorer so l' åbe disk' ås prumirès djalêyes. On voet k' il a bén relé cwand leus pwels dimorèt dins les mwins.

Ricetes des poeres di cwin[candjî]

cûtès poeres di cwin

cûtes avou do souke[candjî]

Les poeres di cwin si magnèt cûtes avou do souke.

e djelêye[candjî]

Prinde des belès djaenès poeres d' cwin, haetchî li cawe et l' moxhe evoye; elzès schover avou ene deure broexhe po rsaetchî li pluche k' i gn a sol pelake, pu les rispåmer comifåt.

Kitaeyî les fruts tot leyant l' crakion. Mete dins ene bassene et covri d' aiwe.

Fé cure a feu nén trop foirt.

Cwand les frûts sont bén cûts, sigoter et rprinde li djus.

Mete on kilo d' souke po on lite di djus; cure a roed feu 15 munutes å long. Vey si c' est deur assez et mete dins des verenes.

On pout fé parey avou mitan poeres di cwin, mitan pemes.